09.09.2026 | 18:30
Թմրանյութ կուլ տալով փախե՞լ է, թե՞ խոշտանգվել․ փաստաբանի ահազանգի հետքերով․ ՏԵՍԱՆՅՈւԹ
Բեռլինում Ալեքսեյ Նավալնիի հիշատակին արարողություն է անցկացվում՝ ծննդյան օրվա կապակցությամբ
Քաղաքականություն
04.06.2024 | 15:19
Բեռլինի կենտրոնում գտնվող Սուրբ Մարիամ եկեղեցում ռուս ընդդիմադիր գործիչ Ալեքսեյ Նավալնիի հիշատակի արարողություն է անցկացվում՝ ծննդյան օրվա կապակցությամբ։ Հունիսի 4-ին նա կդառնար 48 տարեկան, գրում է Meduza-ն։
Նշվում է, որ եկեղեցում ուղղափառ-բողոքական պատարագին ներկա են քաղաքական գործչի այրին՝ Յուլիա Նավալնայան, նրա մամուլի քարտուղար Կիրա Յարմիշը, Նավալնիի շտաբների նախկին ղեկավար Լեոնիդ Վոլկովը, այլ համախոհներ։
BBC-ի ռուսական ծառայության փոխանցմամբ՝ արարողությունն անցկացնում է Անդրեյ վարդապետԿորդոչկինը, որին Ռուսաստանում արգելել են ծառայել հակապատերազմական հայտարարություններից հետո։
Հիշատակի արարողություն է տեղի ունեցել նաև Մոսկվայի Բորիսովյան գերեզմանատանը, որտեղ հուղարկավորված է ընդդիմադիր գործիչը։ Արարողությանը մասնակցել են Ալեքսեյ և Յուլիա Նավալնիների մայրերը։ «Դոժդ»-ը հաղորդում է, որ շուրջ 100 մարդ է ներկա եղել արարողությանը։ Այն անցկացրել է քահանա Դմիտրի Սաֆրոնովը, ում Ռուս ուղղափառ եկեղեցին արգելել էր ծառայել այն բանից հետո, երբ նա հոգեհանգստի արարողություն էր կատարել Նավալնիի մահվան 40-րդ օրը։
