07.10.2026 | 23:48
Արթուր Դանիելյանը կալանավորվեց
Politico-ն հայտնել է ԵՄ ղեկավարությունում լուրջ խնդիրների մասին
Քաղաքականություն
04.06.2024 | 16:21
Եվրոպական խորհրդի գործող ղեկավար Շառլ Միշելը փորձում է խանգարել Ուրսուլա ֆոն դեր Լեյենին Եվրախորհրդարանի ընտրություններից հետո Եվրահանձնաժողովի (ԵՀ) նախագահի պաշտոնը վերստանձնելու հետ կապված։ Այս մասին գրում է Politico-ն՝ վկայակոչելով դիվանագետների և պաշտոնյաների շրջանում ութ աղբյուրի:
«Դա բոլորին խելագարեցնում է, քանի որ նրա խաղն այնքան ակնհայտ է՝ ստիպել ֆոն դեր Լեյենին սայթաքել, մինչդեռ ինքը երազում է մեկ այլ բարձր պաշտոն զբաղեցնելու մասին»,- ասել է զրուցակիցներից մեկը՝ անանունության պայմանով։
Նա նշել է, որ Եվրամիության երկու բարձրագույն ղեկավարների հարաբերությունները վաղուց շատ լարված են։
Ըստ Politico-ի աղբյուրների՝ լուրեր են պտտվում, որ ինքը՝ Միշելը, ակնհայտորեն հավակնում է արտաքին և անվտանգության քաղաքականության գծով ԵՄ բարձր ներկայացուցչի պաշտոնին, որը ներկայում զբաղեցնում է Ժոզեպ Բորելը։
Պարբերականի զրուցակիցները մտավախություն ունեն, որ Միշելը, փորձելով խանգարել Ուրսուլա ֆոն դեր Լեյենի վերանշանակմանը ԵՀ ղեկավարի պաշտոնում, կդիմի Եվրամիության երկրների ղեկավարների հետ առերես զրուցելու ռազմավարությանը՝ ԵՄ-ում բարձր պաշտոնները զբաղեցնելու թեկնածուների հարցը միասին քննարկելու փոխարեն, ինչպես դա հաճախ տեղի է ունենում։
