09.09.2026 | 18:30
Թմրանյութ կուլ տալով փախե՞լ է, թե՞ խոշտանգվել․ փաստաբանի ահազանգի հետքերով․ ՏԵՍԱՆՅՈւԹ
Գերմանիան ևս 200 հազար արկ կպատվիրի՝ Ուկրաինային մատակարարումներից հետո պաշարները համալրելու համար
Քաղաքականություն
04.06.2024 | 18:09
Գերմանական բանակը մտադիր է 155 մմ տրամաչափի ևս 200 հազար հրանոթային արկ պատվիրել Rheinmetall-ից, ասվում է Բունդեսթագի բյուջետային հանձնաժողովին ուղղված նամակում, որին ծանոթացել է Reuters-ը։ Սա կարժենա 880 մլն եվրո, գրում է BBC-ի ռուսական ծառայությունը։
Նախկինում Բունդեսվերն արդեն պատվիրել էր հարյուր հազարավոր արկեր և դրանց բաղադրամասեր՝ 1,2 միլիարդ եվրոյից մի փոքր ավելի արժողությամբ, գրում է Reuters-ը։ Նոր կարգը հնարավորություն կտա Rheinmetall-ին ռազմամթերքի արտադրության նոր գործարան գործարկել հյուսիսային Ունտերլուս քաղաքում, որով հետաքրքրված է նաև ռազմական գերատեսչությունը։
Ձմռան վերջին և գարնան սկզբին ԶԼՄ-ները հաճախ էին մատնանշում ուկրաինական բանակում զինամթերքի պակասի խնդիրը՝ արկերի ամսական սպառման թվերով. ուկրաինական կողմն ամսական սպառում էր 2,000, իսկ ռուսական կողմը՝ 10 հազար արկ:
Հաղորդվում է, որ ԱՄՆ-ի մատակարարումների վերսկսմամբ պակասը դարձել է ավելի նվազ նկատելի, բայց դեռևս կա:
