09.09.2026 | 21:35
Մեկնարկել է Փաշինյանի և Մակրոնի հանդիպումը
Նեթանյահուն կասկածում է մոտ ապագայում հրադադարի հնարավորությանը
Քաղաքականություն
04.06.2024 | 14:23
Իսրայելի վարչապետ Բենիամին Նեթանյահուն «անհավանական» է անվանել մոտ ապագայում Գազայի հատվածում ՀԱՄԱՍ-ի հետ պատերազմում հրադադարի հաստատման հեռանկարները։ Նրա խոսքով՝ ԱՄՆ նախագահ Ջո Բայդենի առաջարկած համաձայնությունը՝ դադարեցնել ռազմական գործողությունները և ազատ արձակել գրոհայինների մոտ պահվող պատանդներին, ընդամենը ուրվագիծ է, գրում է VOA-ն։
«Այն պնդումները, թե մենք համաձայնել ենք հրադադարի՝ առանց մեր պայմանների կատարման, իրականությանը չեն համապատասխանում»,- ասել է նա:
Անցյալ շաբաթ ԱՄՆ նախագահը ներկայացրել է Գազայի հատվածում հրադադարի նոր ծրագիր, որը ներառում է մարտերի սկզբնական դադարեցում և ՀԱՄԱՍ-ի կողմից պահվող որոշ պատանդների ազատ արձակում:
Մինչ իսրայելցի պաշտոնյաները կասկածի տակ էին դնում զինադադարի առաջարկի մանրամասները, Իսրայելի պաշտպանության ուժերը հայտնեցին, որ հաստատվել է ՀԱՄԱՍ-ի կողմից գերեվարված ևս չորս պատանդների մահը: Նրանց շրջանում կան երեք տարեց տղամարդիկ, ովքեր ապարդյուն աղաչում էին իրենց գերեվարողներին ազատ արձակել իրենց։
Հիշեցնենք, որ ԱՄՆ պետքարտուղար Էնթոնի Բլինքենն առաջարկը քննարկել էր իսրայելցի պաշտոնյաների հետ, հայտարարել է Պետքարտուղարությունը՝ նշելով, որ ծրագիրը «բխում է Իսրայելի անվտանգության երկարաժամկետ շահերից»։
