21.07.2026 | 23:30
Էլեկտրամատակարարման ընդհատումներ՝ Երևանում ու մարզերում
Իսրայելը հայտնել է ՀԱՄԱՍ-ի գերության մեջ ևս չորս պատանդի մահվան մասին
Քաղաքականություն
04.06.2024 | 12:54
Եվս չորս իսրայելցի պատանդներ՝ Կիբուց Նիր Օզի բնակիչները, որոնց առևանգել էին ՀԱՄԱՍ-ի զինյալները 2023 թվականի հոկտեմբերի 7-ի հարձակման ժամանակ, զոհվել են։ Current Time-ի փոխանցմամբ՝ այս մասին հայտնել է Իսրայելի պաշտպանության բանակի խոսնակ Դանիել Հագարին։
Իսրայելի պաշտպանության բանակի տվյալներով՝ նրանք են՝ Իսրայելի և Մեծ Բրիտանիայի 51-ամյա քաղաքացի Նադավ Փոփլվելը, 79-ամյա Չայմ Փերին, 80-ամյա Յորամ Մեցգերը և 85-ամյա Ամիրամ Կուպերը։
«Մեր գնահատականն այն է, որ այս չորսը գտնվել են միասին ու սպանվել են Խան Յունիս շրջանում՝ ՀԱՄԱՍ-ի դեմ մեր գործողության ժամանակ»,- ասել է Հագարին:
Դանիել Հագարին նշել է, որ Իսրայելի պաշտպանության բանակը շարունակում է ուսումնասիրել պատանդների մահվան հանգամանքները։ Մահացածների մարմինները, նրա տեղեկություններով, մնում են ՀԱՄԱՍ-ի զինյալների մոտ։
