07.10.2026 | 23:48
Արթուր Դանիելյանը կալանավորվեց
Գերմանական զենքի օգտագործումը ՌԴ-ի դեմ էսկալացիայի վտանգ չի պարունակում․ Շոլց
Քաղաքականություն
04.06.2024 | 13:23
Գերմանիայի կանցլեր Օլաֆ Շոլցը չի կարծում, որ ՌԴ-ի տարածքում ռազմական թիրախներին գերմանական զենքերով հարվածներ հասցնելը կհանգեցնի էսկալացիայի, գրում է DW-ի ռուսական ծառայությունը։
«Ինչպես ասել է ԱՄՆ նախագահը՝ խոսքը միայն հնարավորության մասին է՝ պաշտպանելու խոշոր քաղաքը, օրինակ՝ Խարկովը»,- ասել է նա Antenne Bayern ռադիոկայանի եթերում։
Կանցլերը նշել է, որ Կիևին գերմանական զենք օգտագործելու իրավունք տրամադրելու որոշումը մանրակրկիտ մտածված է Գերմանիայի «բարեկամների և դաշնակիցների» հետ համագործակցությամբ։ Նա, միաժամանակ, շտապել է հավաստիացնել Գերմանիայի քաղաքացիներին, որ երբեք թույլ չի տա ճնշում գործադրել իր վրա, որ «սխալ և ժամանակավրեպ որոշումներ» կայացվեն։
Մայիսի 31-ին Գերմանիայի կառավարությունը թույլ էր տվել Ուկրաինային իր կողմից մատակարարվող զենքերն օգտագործել Ռուսաստանի տարածքում թիրախներին հարվածելու համար։ Պաշտոնական ներկայացուցիչ Շտեֆեն Հեբեստրեյթն այս հարցում Բեռլինի դիրքորոշման փոփոխությունը բացատրել էր Խարկովի մարզում ռուսական բանակի հարձակումների հաճախականությամբ, որոնք «պատրաստվել, համակարգվել և իրականացվել են» ռուսական սահմանին հարող դիրքերից։
