22.06.2026 | 11:55
Խնդիրներ են ստեղծում խցանումների հետ կապված. ինտենսիվ պետք է աշխատենք. Ավինյան․ ՏԵՍԱՆՅՈՒԹ
Բայդենի և Էրդողանի խորհրդականներն ընդգծել են Հայաստանի և Ադրբեջանի միջև խաղաղության համաձայնագրի կարևորությունը
Քաղաքականություն
04.06.2024 | 11:37
ԱՄՆ նախագահ Ջո Բայդենի ազգային անվտանգության հարցերով խորհրդական Ջեյք Սալիվանը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի արտաքին քաղաքականության և անվտանգության հարցերով գլխավոր խորհրդական, դեսպան Աքիֆ Չաղաթայ Քըլըչի հետ։
Սպիտակ տան հաղորդմամբ՝ նրանք ընդգծել են Հայաստանի և Ադրբեջանի միջև խաղաղության համաձայնագրի կարևորությունը, նաև ողջունել Թուրքիայի և Հունաստանի միջև հարաբերությունների բարելավումը։
Հաղորդագրության համաձայն՝ Սալիվանն ընդգծել է որպես պատանդների գործարքի մաս ՀԱՄԱՍ-ի կողմից Իսրայելի առաջարկն ընդունելու, անհապաղ հրադադար հաստատելու հրատապ անհրաժեշտությունը: Կողմերը նաև քննարկել են երկկողմ օրակարգի, այդ թվում՝ հակաահաբեկչության, պաշտպանության ոլորտում համագործակցության և պատժամիջոցների պահպանման հարցերը։
