Քաղաքականություն
03.06.2024 | 18:15
«Վրացական երազանքի» գլխավոր քարտուղար Կախա Կալաձեն հայտարարել է այն հասարակական կազմակերպությունների և լրատվամիջոցների հաշիվների հնարավոր ձերբակալության մասին, որոնք հրաժարվում են ենթարկվել օտարերկրյա գործակալների մասին օրենքի կանոններին (Օտարերկրյա ազդեցության թափանցիկության մասին), գրում է Գրուզիա օնլայնը:
Մի շարք կազմակերպություններ ավելի վաղ հայտարարել էին, որ չեն գրանցվելու օտարերկրյա գործակալների ռեգիստրում։
Կալաձեն ասել է, որ իրենց սպառնում են ֆինանսական պատժամիջոցներ, որից հետո հաշիվները կսառեցվեն, իսկ կազմակերպությունները չեն կարողանա աշխատել։ Նրա խոսքով՝ ինքը չի հասկանում գրանցման մերժումը, եթե կազմակերպությունը թաքցնելու ոչինչ չունի։
Նրանք, ովքեր հրաժարվում են գրանցվել ռեեստրում, հայտարարում են, որ դեմ են «օտարերկրյա գործակալի» պիտակավորմանը, ինչպես արդեն եղել է Ռուսաստանում։
Հավելենք, որ տեղական հասարակական կազմակերպությունները և լրատվամիջոցները պետք է գրանցվեն հատուկ գրանցամատյանում՝ ելնելով միայն մեկ չափանիշից՝ եկամտի 20%-ից ավելի արտասահմանյան ֆինանսավորման դեպքում:
