07.11.2026 | 12:54
Գևորգ Էմին-Տերյանի նկատմամբ ֆիզիկական ներգործության կատարելու կասկածանքով 3 անձ է ձերբակալվել. ՆԳՆ
Իրանը բողոքի նոտա է հղել Չինաստանին
Քաղաքականություն
03.06.2024 | 21:59
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Իրանի արտաքին գործերի նախարարություն է կանչվել Թեհրանում Չինաստանի դեսպանը՝ Պարսից ծոցի երեք ռազմավարական նշանակություն ունեցող կղզիների նկատմամբ ԱՄԷ-ի անհիմն պահանջներին Չինաստանի աջակցության պատճառով, ասվում է Իրանի ԱԳՆ-ի տարածած հաղորդագրության մեջ։
Իրանի արտաքին գործերի փոխնախարար, ԱԳՆ Պարսից ծոցի դեպարտամենտի գլխավոր տնօրեն Մոհամմադ Ալիբեկն ընդգծել է Իրանի և Չինաստանի միջև առանձնահատուկ և արտոնյալ հարաբերությունները՝ նշելով, որ երկրների ինքնիշխանության և տարածքային ամբողջականության նկատմամբ հարգանքը բոլորին հայտնի և միջազգային հարաբերությունների հիմնարար սկզբունքներից է։
Ալիբեկը նաև ընդգծել է, որ Պարսից ծոցի երեք կղզիները պատկանում են Իրանի Իսլամական Հանրապետությանը, և Թեհրանը մերժում է որևէ կողմի ցանկացած պնդում այս առնչությամբ: Նկատի ունենալով Իրանի և Չինաստանի ռազմավարական համագործակցությունը՝ նա ցանկություն է հայտնել, որ Չինաստանի կառավարությունը ճշգրտի իր դիրքորոշումն այս հարցում։
Իր հերթին Չինաստանի դեսպանը վստահեցրել է, որ Իրանի կառավարության բողոքները հնարավորինս արագ կփոխանցի իր երկրի իշխանություններին։
Նշենք, որ Պեկինում ԱՄԷ նախագահ Մուհամեդ Բեն Զայեդինի և Չինաստանի նախագահ Սի Ցզինպինի վերջին հանդիպումից հետո վերջնական հռչակագիրը, իրանական կողմի պնդմամբ, ցույց է տվել, որ պաշտպանում է Աբու Դաբիի հավակնությունները Պարսից ծոցի երեք վիճելի կղզիների նկատմամբ:
