13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Ղազախստանը «Թալիբան»-ը հանել է ահաբեկչական կազմակերպությունների ցանկից
Քաղաքականություն
03.06.2024 | 16:48
Ղազախստանը «Թալիբան»-ը հանել է ահաբեկչական կազմակերպությունների ցանկից։ Մասնավորապես, Ղազախստանի նախագահ Կասիմ-Ժոմարտ Տոկաևը ՀԱՊԿ երկրների խորհրդարանների խոսնակների հետ հանդիպմանը խոսել է Աֆղանստանում տիրող իրավիճակի և այդ երկրի հետ համագործակցության մասին, գրում է nur.kz-ն։
«Ղազախստանը հանել է «Թալիբան»-ը ահաբեկչական ցուցակից՝ ելնելով ժամանակակից Աֆղանստանի հետ առևտրատնտեսական համագործակցության զարգացման կարևորությունից և այն ըմբռնումից, որ այդ ռեժիմը երկարաժամկետ գործոն է»,- ասել է Տոկաևը։
Նշելով այս հարցում ՀԱՊԿ երկրների համակարգված դիրքորոշման կարևորությունը՝ նա կոչ է արել աջակցել Ղազախստանի՝ Ալմաթիում Կենտրոնական Ասիայի և Աֆղանստանի կայուն զարգացման նպատակների համար ՄԱԿ-ի տարածաշրջանային կենտրոն ստեղծելու նախաձեռնությանը։
