23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
ՄԱԿ-ը կոչ է արել աշխարհի բոլոր երկրներին ճանաչել Պաղեստինը
Քաղաքականություն
03.06.2024 | 16:25
ՄԱԿ-ի հատուկ զեկուցողները կոչ են արել բոլոր պետություններին ճանաչել Պաղեստինը Մերձավոր Արևելքում խաղաղության հասնելու համար, ասվում է ՄԱԿ-ի հատուկ զեկուցողների հայտարարության մեջ, որը հրապարակվել է Մարդու իրավունքների գերագույն հանձնակատարի գրասենյակի (OHCHR) կողմից:
«Բոլոր պետությունները պետք է հետևեն ՄԱԿ-ի 146 անդամ երկրների օրինակին և ճանաչեն Պաղեստին պետությունը և օգտագործեն իրենց տրամադրության տակ գտնվող բոլոր քաղաքական և դիվանագիտական ռեսուրսները՝ Գազայում կրակի անհապաղ դադարեցում ապահովելու համար»,- ասվում է փաստաթղթում։
ՄԱԿ-ի փորձագետները կարծում են, որ սա անհրաժեշտ պայման է Պաղեստինում և ամբողջ Մերձավոր Արևելքում կայուն խաղաղության հասնելու, ինչպես նաև «Պաղեստինի ժողովրդի իրավունքների և ազատության ու անկախության համար նրա պայքարի ու տառապանքի կարևոր ճանաչման համար»:
Նրանք ողջունել են վերջերս Պաղեստինի ճանաչումը Նորվեգիայի, Իռլանդիայի և Իսպանիայի կողմից, որը տեղի ունեցավ այն բանից հետո, երբ ՄԱԿ-ի Գլխավոր վեհաժողովը ճնշող մեծամասնությամբ քվեարկեց՝ պաշտպանելու Պաղեստինի՝ ՄԱԿ-ի լիիրավ անդամակցության հայտը:
