24.06.2026 | 10:42
«Ինձ պիտի օգնեք, որ ես դառնամ համայնքապետ». ՀԿԿ-ն նոր գաղտնալսում է հրապարակել
Մոսկվան հայտարարել է «ճակատագրական հետևանքների» և «լուրջ հակահարվածի» մասին՝ ՌԴ-ին արևմտյան զենքերով հարվածների դեպքում
Քաղաքականություն
03.06.2024 | 16:08
Ռուսաստանի փոխարտգործնախարար Սերգեյ Ռյաբկովը հայտարարել է, որ ռուսական տարածքում թիրախներին հարվածելու համար Կիևին արևմտյան զենք կիրառելու թույլտվությունը կարող է հանգեցնել ճակատագրական հետևանքների, գրում է BBC-ի ռուսական ծառայությունը։
«Ես կցանկանայի նախազգուշացնել ամերիկացի առաջնորդներին սխալ հաշվարկներից, որոնք կարող են ճակատագրական հետևանքներ ունենալ: Անհայտ պատճառներով նրանք թերագնահատում են այն պատասխանի լրջությունը, որը կարող են ստանալ»,- ասել է Ռյաբկովը։
Նա Վաշինգտոնին կոչ արել «հնարավորինս լրջորեն վերաբերվել Ռուսաստանից եկող նախազգուշացումներին»։
Ավելի վաղ նման հայտարարություն էր արել ՌԴ նախագահ Վլադիմիր Պուտինը։
«ՆԱՏՕ-ի երկրների ներկայացուցիչները, հատկապես՝ Եվրոպայում, հատկապես՝ փոքր երկրներում, պետք է տեղյակ լինեն, թե ինչի հետ են խաղում։ Նրանք պետք է հիշեն այն մասին, որ դրանք, որպես կանոն, փոքր տարածքով պետություններ են՝ խիտ բնակչությամբ։ Եվ այդ գործոնը նրանք պետք է հաշվի առնեն՝ նախքան ռուսական տարածքի խորքում հարվածներ հասցնելու մասին խոսելը»,- ասել էր ՌԴ ղեկավարը։
