07.10.2026 | 16:00
2-րդ դասարանի աշակերտուհուն ծեծելու դեպքով ուսուցչուհուն ձերբակալելու որոշում է կայացվել
Իսրայելը հայտարարել է Կարմիր ծովից թռչող հրթիռ որսալու մասին
Քաղաքականություն
03.06.2024 | 13:08
Իսրայելական «Նետ» հակահրթիռային պաշտպանության համակարգը հաջողությամբ որսացել է Կարմիր ծովից թռչող «երկիր-երկիր» դասի հրթիռը, իսկ հարավային Էյլաթ քաղաքում օդային հարվածի ազդանշաններ են հնչել։ ՌԻԱ Նովոստիի փոխանցմամբ՝ այս մասին հայտնել է Իսրայելի պաշտպանության բանակի (IDF) մամուլի ծառայությունը։
«Որոշ ժամանակ առաջ «Նետ» հակահրթիռային պաշտպանության համակարգը հաջողությամբ որսացել է Կարմիր ծովից Իսրայելի ուղղությամբ արձակված «երկիր-երկիր» հրթիռը։ Էյլաթ շրջանում միացվել են ազդանշանները՝ զգուշացնելով հրթիռակոծության վտանգի մասին։ Տուժածների մասին տեղեկություններ չկան»,- ասվում է հաղորդագրության մեջ։
Իսրայելի պաշտպանության բանակն իր հերթին Լիբանանի հարավում հարվածներ է հասցրել շիաների «Հըզբոլլահ» խմբավորման օբյեկտներին։
«Կիրակի գիշերը Իսրայելի պաշտպանության բանակի կործանիչները հարվածներ են հասցրել «Հըզբոլլահ»-ի արձակման կայանքներին և ռազմական օբյեկտներին Լիբանանի հարավի Նաքուրայի, Մարուն էլ-Ռասի և Խիամի շրջաններում»,- ասվում է Պաշտպանության բանակի հաղորդագրությունում։
