01.11.2024 | 16:18
Զապորոժիեի ԱԷԿ-ում վերականգնվել է ռեակտորից ջրի արտահոսքի պատճառ դարձած ճեղքը
Պուտինը Չինաստանում Պեկինից երեք բան է խնդրել․ FT
Քաղաքականություն
03.06.2024 | 12:21
Չինաստանի հետ «Սիբիրի ուժը-2» գազատարի վերաբերյալ գործարք կնքելու՝ Ռուսաստանի փորձերը մտել են փակուղի այն պատճառով, որ Մոսկվան անհիմն է համարում Պեկինի պահանջները գնի ու ծավալների մատակարարման վերաբերյալ։ Այս մասին հայտնում է Financial Times-ը՝ վկայակոչելով իր աղբյուրներին, գրում է BBC-ի ռուսական ծառայությունը։
Ըստ աղբյուրի՝ գազատարի նկատմամբ Պեկինի կոշտ դիրքորոշումը ցույց է տալիս, թե Ռուսաստանի ներխուժումն Ուկրաինա ինչպես է նախագահ Վլադիմիր Պուտինին տնտեսական աջակցության համար ավելի մեծ կախվածության մեջ դնել Չինաստանի առաջնորդ Սի Ցզինպինից։
FT-ի զրուցակիցների խոսքով՝ Չինաստանը ցանկանում է գնել ռուսական գազը գնով, որը մոտ կլինի ռուսական խիստ սուբսիդավորվող ներքին գներին, ինչպես նաև պատրաստ է գնել գազի միայն մի փոքր մասը՝ գազատարի ծրագրված տարեկան 50 միլիարդ խորանարդ մետր հզորության փոխարեն։
Չնայած ՌԴ-ն պնդում է, թե վստահ է «մոտ ապագայում» «Սիբիր 2»-ի վերաբերյալ համաձայնության գալու հարցում, FT-ի երկու աղբյուրներ նշում են, որ բանակցությունները փակուղի մտնելու պատճառն այն է, որ «Գազպրոմ»-ի ղեկավար Ալեքսեյ Միլլերը չի միացել Պուտինին Ռուսաստանի ղեկավարի՝ մայիսին Պեկին կատարած այցի ժամանակ:
Պուտինը դիմել է Չինաստանի ղեկավարին երեք հիմնական խնդրանքով՝ կապված «Սիբիրի ուժի», Ռուսաստանում չինական բանկերի ակտիվության մեծացման և հունիսին Շվեյցարիայում կայանալիք խաղաղության համաժողովին Պեկինի չմասնակցելու հետ։
Նախորդ ուրբաթ Չինաստանը հայտարարել էր, որ բաց կթողնի Ժնևում կայանալիք ուկրաինական գագաթնաժողովը։ Լրատվամիջոցի աղբյուրներից երկուսը նշել են, որ Պեկինը և Մոսկվան քննարկում են մեկ կամ մի քանի բանկերի հստկակեցման հարցը, որոնք կֆինանսավորեն ռուսական պաշտպանական արդյունաբերության բաղադրիչների առևտուրը, ինչը գրեթե երաշխավորում է նրանց նկատմամբ ամերիկյան պատժամիջոցների կիրառումը։
Լրատվամիջոցի աղբյուրները նշել են, որ գազատարի շուրջ համաձայնության հասնելը շատ հեռու է, և չինական բանկերի հետ առաջարկվող համագործակցությունը շատ ավելի փոքր մասշտաբով է, քան խնդրել է Ռուսաստանը։ Կրեմլը չի պատասխանել լրատվամիջոցի մեկնաբանության խնդրանքին, «Գազպրոմը» նույնպես հրաժարվել է մեկնաբանություններից։
