09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
Բելառուսում ՌԴ դեսպանը հայտարարել է, որ ՀԱՊԿ-ում Հայաստանի անդամության սառեցումը թուլացնում է Հարավային Կովկասում կառույցի դիրքերը
Քաղաքականություն
31.05.2024 | 20:14
Հայաստանի որոշումը` սառեցնելու մասնակցությունը ՀԱՊԿ-ում լրջորեն չի խաթարի կառույցի աշխատանքը, սակայն կթուլացնի նրա դիրքերը Հարավային Կովկասում։ Այս մասին հայտարարել է Բելառուսում ՌԴ դեսպան Բորիս Գրիզլովը։
«Չեմ կարծում, որ Երևանի նման քայլn ունակ է լրջորեն խաթարել կազմակերպության աշխատանքը, քանի որ այն լիովին կայուն է։ Թեև, իհարկե, դա կնշանակի ՀԱՊԿ-ի դիրքերի թուլացում Հարավային Կովկասում։ Իմ կարծիքով՝ գլխավոր հարցը լինելու է այն, թե այս պայմաններում ինչպե՞ս է կառուցելու Հայաստանն իր քաղաքականությունը։ Կարևոր է հասկանալ, որ Հարավային Կովկասում Արևմուտքի բոլոր գործողություններն ու ծրագրերը թելադրված չեն այս տարածաշրջանի երկրների նկատմամբ մտահոգությամբ։ Վաշինգտոնն ու Բրյուսելը ձգտում են ոչ թե կառուցողական համագործակցության, այլ տարածաշրջանի երկրներին փորձում են ներքաշել իրենց աշխարհաքաղաքական արկածախնդրության մեջ։ Արդյո՞ք սա ավելի մեծ անվտանգություն կբերի Հայաստանին, հռետորական հարց է»,-ասել է դեսպանը «Союзники. ОДКБ»-ի հետ զրույցում։
