23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Մահափորձի ենթարկված Սլովակիայի վարչապետը բուժումը կշարունակի տանը
Քաղաքականություն
31.05.2024 | 16:13
Սլովակիայի վարչապետ Ռոբերտ Ֆիցոյին Բանսկա Բիստրիցայի հիվանդանոցից տեղափոխել են Բրատիսլավայի իր տուն՝ հետագա ապաքինման համար, փոխանցում է DW-ի ռուսական ծառայությունը։ Վարչապետը մահափորձից հետո էր տեղափոխվել հիվանդանոց։
Բանսկա Բիստրիցայի հիվանդանոցի գլխավոր բժիշկ Մարիամ Լապունիկովան ասել է, որ կառավարության ղեկավարը ցանկացել է լքել հիվանդանոցը և բուժումը շարունակել տանը, հենց որ թույլ տա իր առողջական վիճակը։ Լապունիկովայի խոսքով՝ վերականգնման գործընթացը հաջող է ընթանում։
Հիշեցնենք` Ֆիցոյի դեմ մահափորձ էր իրականացվել կառավարության արտագնա նիստից հետո Հանդլովա քաղաքում՝ Բրատիսլավայից 190 կմ հեռավորության վրա։ Կրակոցները հնչել էին, երբ քաղաքական գործիչը դուրս է եկել մարդկանց մոտ։
Սլովակիայի վարչապետ Ռոբերտ Ֆիցոյի դեմ մահափորձ կատարած 71-ամյա Յուրայ Ցինտուլան կալանավորվել է։
