09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
Գերմանիան թույլատրում է Ուկրաինային օգտագործել իր զենքերը ՌԴ-ին տարածքին հարվածների համար
Քաղաքականություն
31.05.2024 | 21:59
Գերմանիայի կառավարության խոսնակ Շտեֆեն Հեբեստրեյթը հայտարարել է, որ Ուկրաինան իրավունք ունի հարվածել Ռուսաստանի տարածքին Բեռլինի տրամադրած զենքերով, գրում է BBC-ի ռուսական ծառայությունը։ Այսպիսով, Գերմանիան միանում է արևմտյան այն երկրների խմբին, որոնք Կիևին թույլ են տվել իրենց զենքերով հարվածել ռուսական թիրախներին։
«Խոսքը գնում է ուկրաինական տարածքների ազատագրման մասին և մենք պայմանավորվել ենք Ուկրաինայի հետ, որ զենքը, որը մենք տրամադրում ենք, օգտագործվելու է միջազգային իրավունքին համապատասխան»,-ասել է նա՝ նշելով, որ վերջին շաբաթներին «Ռուսաստանին նախապատրաստել է, համակարգել և իրականացրել է հարձակումներ, մասնավորապես Խարկովի ուղղությամբ, Ռուսաստանի սահմանին մոտ գտնվող դիրքերից»։
«Մենք բոլորս համոզված ենք, որ միջազգային իրավունքի համաձայն, Ուկրաինան իրավունք ունի պաշտպանվելու այդ հարձակումներից։ Դրա համար նա նաև կարող է օգտագործել միջազգային պարտավորություններին համապատասխան նման նպատակների համար նախատեսված զենքեր, այդ թվում՝ մեր կողմից մատակարարվածները»,-նշել է Շտեֆեն Հեբեստրեյթը։
Գերմանիայի կանցլեր Օլաֆ Շոլցը բազմիցս հանդես է եկել արևմտյան զենքերով Ռուսաստանի տարածքին հարվածելու դեմ:
Սակայն վերջին օրերին նա որոշակիորեն փոխել է իր դիրքորոշումը և վերջերս Ֆրանսիայի նախագահ Էմանուել Մակրոնի հետ հանդիպման ժամանակ ասել, որ Ուկրաինան ունի ինքնապաշտպանության իրավունք՝ միջազգային իրավունքի համաձայն։
