01.05.2026 | 09:36
Աշխատում է քաղաքացին՝ զարգանում է տնտեսությունը՝ ապահովելով պետության առաջընթացը․ Ալեն Սիմոնյան
Ռուսական զորքերը հրթիռային հարված են հասցրել Խարկովին․ կան զոհեր ու վիրավորներ
Քաղաքականություն
31.05.2024 | 13:08
Ռուսական զորքերը մայիսի 31-ի գիշերը Ուկրաինայի տարածքի ուղղությամբ «Շահեդ-131/136» տիպի չորս անօդաչու թռչող սարք են արձակել և հարվածել Խարկովին հինգ C-300/C-400 զենիթային կառավարվող հրթիռներով, իսկ Կիևին՝ «Իսկանդեր-Կ» թևավոր հրթիռով: Այս մասին հայտնել է Ուկրաինայի ռազմաօդային ուժերի հրամանատար Նիկոլայ Օլեշչուկը։
Նա նշել է, որ ԶՈՒ-ն Կիևի, Զապորոժիեի և Դնեպրոպետրովսկի շրջաններում չորս անօդաչու թռչող սարք է խոցել, ինչպես նաև «Իսկանդեր-Կ» թևավոր հրթիռը Կիևի մարզում։
Խարկովում հրթիռներից մեկը խոցել է հինգհարկանի շենքը։ Այս մասին հայտնել է Խարկովի մարզի ռազմական վարչակազմի ղեկավար Օլեգ Սինեգուբովը։ Արդյունքում ավերվել են երրորդից հինգերորդ հարկերը, հրդեհ է բռնկվել։
Մյուս հրթիռներն, ընկել են տան մոտ։ Ավերվել է մասնավոր ձեռնարկություն, վնասվել է ավելի քան 20 բազմահարկ բնակելի շենք, շտապօգնության մեքենա և հրշեջ ծառայության մեքենա։
Սինեգուբովի ներկայացրած վերջին տվյալներով՝ Խարկովում հրթիռակոծության հետևանքով զոհերի թիվը հասել է 5-ի։ Նախնական տվյալներով՝ վիրավորվել է 25 մարդ, այդ թվում՝ երկու երեխա։ Որոնողափրկարարական աշխատանքները շարունակվում են։
