21.10.2026 | 09:46
ՀՀ տարածքում ավտոճանապարհներն անցանելի են
«Բարով մաշես». Վահրամ Բաղդասարյանը՝ «Նիկոլ Փաշինյանի հագով» Սահմանադրության մասին․ ՏԵՍԱՆՅՈՒԹ
Քաղաքականություն
29.08.2018 | 13:35
ԱԺ Հանրապետական խմբակցության ղեկավար Վահրամ Բաղդասարյանը վստահեցնում է, որ իր ղեկավարած խմբակցությունում խորհրդարանի ինքնալուծարման վերաբերյալ քննարկում չի եղել։
Այս մասին այսօր Ազգային ժողովում լրագրողների հետ զրույցում ասաց Վահրամ Բաղդասարյանը՝ շեշտելով, որ երբ այդ թեմայով ունենան քննարկում, լրագրողներին իրենց քաղաքական որոշման մասին տեղյակ կպահեն։
Խոսելով սահմանադրական փոփոխությունների մասին՝ Վահրամ Բաղդասարյանը նկատեց, որ այս փուլում սահմանադրական փոփոխություների կարիք չկա, և նման քայլի կարելի է գնալ միայն խիստ անհրաժեշտության դեպքում՝ հատկապես, որ սահմանադրական փոփոխությունների վերաբերյալ մինչ այս պահը գրավոր առաջարկություններ չեն ներկայացվել և ամեն ինչ միայն բանավոր խոսքի մակարդակում է։
Վահրամ Բաղդասարյանը նշեց նաև, որ չի տեսնում վարչապետ Նիկոլ Փաշինյանի հրաժարականի անհրաժեշտությունը, քանի որ նրան պետք է աշխատելու հնարավորություն տալ։
Մանրամասները՝ տեսանյութում։
