05.07.2026 | 16:43
Կրեմլը մանրամասներ է հայտնել Պուտինի և Թրամփի հեռախոսազրույցի բովանդակությունից
«Ռոբերտ Քոչարյանի կարծիքը չեմ կիսում». Էդուարդ Շարմազանով․ ՏԵՍԱՆՅՈՒԹ
Քաղաքականություն
29.08.2018 | 13:23
Ազգային ժողովի փոխնախագահ Էդուարդ Շարմազանովի խոսքով՝ Ռոբերտ Քոչարյանի գնահատականները սահմանադրական բարեփոխումների վերաբերյալ իրենց համար նորություն չեն, եղել են նաև քաղաքական այլ գործիչներ, որոնք դեմ են արտահայտվել այդ փոփոխություններին, հետևաբար, ինքը Ռոբերտ Քոչարյանի կարծիքը չի կիսում։ Այս մասին այսօր Ազգային ժողովում լրագրողների հետ զրույցում ասաց նա։
«Ես կարող եմ վերահաստատել իմ կարծիքը, որ սահմանադրական բարեփոխումների անհրաժեշտությունը կար, դա շատ դրական քայլ էր պառլամենտական համակարգի ամբողջական անցման համար։ Իսկ ինչ վերաբերում է 3-րդ ժամկետին, ապա ես այն կարծիքին չեմ, որ Սահմանադրությունը փոխվել է, որ Սերժ Սարգսյանը 3-րդ ժամկետով պաշտոնավարի, այն փոխվել է շատ ավելի կարևոր հիմնավորումներով։ Այստեղ Սերժ Սարգսյանի ընտրվելը բխում էր ՀՀ պետական շահից»,- մանրամասնեց ԱԺ փոխնախագահը։
Էդուարդ Շարմազանովն անդրադարձավ նաև իշխանափոխության հետևանքներին և նշեց, որ 25 տարիների ընթացքում առաջին անգամ ՌԴ ԱԳ նախարարը հայտարարեց, որ ՀՀ իշխանությունները մի բան ասում են, մեկ այլ բան անում, ԵՄ հետ հարաբերություններում անհամաձայնություն կա և դրա վառ վկայությունը դեսպան Սվիտալսկու հայտարարությունն էր, իսկ 3-րդ՝ ԱՄՆ դեսպանի այն պնդումը, որ այսօր մեծ ներդրումներ Միացյալ Նահանգներից պետք չէ սպասել։
Մանրամասները՝ տեսանյութում։
