14.01.2026 | 22:39
Ինչ իրավիճակ է ճանապարհներին
Որ երկրները դեմ չեն որպեսզի Ուկրաինան իրենց մատակարարած զենքն օգտագործի ՌԴ-ին հարվածելու համար
Քաղաքականություն
31.05.2024 | 12:36
Դանիան, Ֆինլանդիան, Կանադան և Չեխիան թույլատրել են Ուկրաինային օգտագործել իրենց մատակարարած զենքերը ՌԴ տարածքում թիրախներին հարվածելու համար։ Դանիայի վարչապետ Մետե Ֆրեդերիկսենը հայտարարել է, որ Ուկրաինան կարող է օգտագործել իրենց տրամադրած զենքը Ռուսաստանին հարվածելու համար, եթե դա համապատասխանի միջազգային իրավունքին, գրում է Current Time-ը։
Ֆինլանդիայի արտաքին գործերի նախարար Էլինա Վալտոնենը մայիսի 29-ին հայտարարել է, որ իրենք չեն սահմանափակում Ուկրաինային ռուսական տարածքում ֆիննական զենքով հարվածներ հասցնելու հարցում։
Կանադայի արտաքին գործերի նախարար Մելանի Ջոլին նշել է, որ Ուկրաինան կարող է կանադական զենքով հարձակումներ իրականացնել Ռուսաստանի տարածքի վրա, քանի որ Կանադան որևէ պայման չի դրել Ուկրաինայի առաջ՝ կապված իր զենքի օգտագործման հետ։
Չեխիայի արտաքին գործերի նախարար Յան Լիպավսկին հայտարարել է, որ իր երկիրը միանում է Ուկրաինայի դաշնակիցների խմբին, որոնք դեմ չեն Ռուսաստանի թիրախների դեմ իրենց կողմից մատակարարված զենքի կիրառմանը։
BBC-ի ռուսական ծառայության փոխանցմամբ՝ Պրահայում ՆԱՏՕ-ի ԱԳ նախարարների ոչ պաշտոնական հանդիպման ժամանակ Լիպավսկին լրագրողներին ասել է, որ «Չեխիան, սկզբունքորեն, խնդիր չունի» իր զենքը ռուսական թիրախների դեմ օգտագործելու հետ կապած:
Ավելի վաղ նման հայտարարություններ էին արել Լեհաստանը, Մեծ Բրիտանիան և Շվեդիան։
