20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Թայվանի անկախությունը հավասարազոր է պատերազմի. Չինաստանի ՊՆ
Քաղաքականություն
30.05.2024 | 20:29
Չինաստանի պաշտպանության նախարարության խոսնակ Ու Ցիանը հայտարարել է, որ Չինաստանի և Թայվանի վերամիավորումը «չի կարող կանգնեցվել»։ Նա այսպես է մեկնաբանել Թայվանի վարչակազմի ղեկավար Լայ Ցինդեի պաշտոնի ստանձնումը։ Նրա խոսքով՝ կղզու անկախությունը հավասարազոր կլինի պատերազմի, գրում է Կոմերսանտը։
«Հայրենիքի վերամիավորումը պատմական միտում է, որը հնարավոր չէ կասեցնել։ Թայվանի անկախությունը հավասարազոր է պատերազմի, բաժանումը՝ խաղաղության բացակայությունն է»,- ճեպազրույցի ժամանակ ասել է Ու Ցիանը։
Չինաստանի Ժողովրդա-ազատագրական բանակն անցած շաբաթ անցկացրել է Joint Sword 2024 A զորավարժություն Թայվանի շրջակայքի ջրերում և օդային տարածքում՝ օղակի մեջ վերցնելով կղզին: ՉԺՀ-ն դա անվանել է «պատասխան Թայվանի անկախությանը կողմնակից ուժերի անջատողական գործողություններին և խիստ նախազգուշացում արտաքին ուժերի միջամտության և սադրանքների դեմ»:
