30.05.2026 | 19:40
«Լիվերպուլը» մնաց առանց գլխավոր մարզիչի
ՀՀ-ից սիգի ձկնկիթի արտահանումն արգելվեց
Տնտեսություն
30.05.2024 | 11:07
Կառավարությունը չզեկուցվող հարցերի շարքում Հայաստանի տարածքից սիգի ձկնկիթի արտահանման ժամանակավոր՝ 6-ամսյա արգելք սահմանեց։ Ըստ գործադիրի՝ որոշման ընդունման անհրաժեշտությունը բխում է մեր երկրի պարենային անվտանգության, Սևանա լճում կենսապաշարի կայուն օգտագործման և կենսաբազմազանության պահպանության պահանջից:
Կառավարության որոշումից նաև տեղեկանում ենք, որ Սևանա լճում սիգի արդյունագործական որսի կանոնակարգման գործընթացի արդյունքում վերջին տարիներին Սևանա լճում նկատվում է սիգի կենսազանգվածի աճ։
Այսպես, 2019 թվականին գրանցվել է 2668 տոննա, 2020 թվականին՝ 2345 տոննա, 2021 թվականին՝ 5348 տոննա, 2022 թվականին՝ 4700 տոննա, ինչը հնարավորություն է տալիս ապահովել Սևանա լճում փոքր քանակությամբ ձկան արդյունագործական որսի իրականացում։ Սակայն վերջին տարիների սիգի կենսազանգվածի աճի տենդենցը դեռևս չի ապահովում վայրի ձկնատեսակի բնականոն աճն ու օպտիմալ թվաքանակը լճում։
