16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Գիշերը Ուկրաինայի ռազմական օբյեկտներն ու կարևոր ենթակառուցվածքները զանգվածային հարձակման են ենթարկվել
Քաղաքականություն
30.05.2024 | 13:23
Հինգշաբթի գիշերը Ռուսաստանը Ուկրաինային հարվածել է տասնմեկ X-101/X-555 թևավոր հրթիռներով, որոնք արձակվել են Տու-95 ռազմավարական ռմբակոծիչներից և երեսուներկու «Շահեդ-131/136» հարվածային անօդաչու թռչող սարքերով՝ թիրախավորելով ռազմական թիրախները և կարևոր ենթակառուցվածքները, հայտնում է BBC-ի ռուսական ծառայությունը՝ հղում անելով Ուկրաինայի ԶՈՒ-ին: Գիշերը Ուկրաինայի ողջ տարածքում օդային ռմբակոծության տագնապի ազդանշան է հնչել։
Ուկրաինայի զինված ուժերի տվյալներով՝ նրանց հաջողվել է խոցել յոթ X-101/X-555 հրթիռ և բոլոր կամիկաձե անօդաչու թռչող սարքերը Խմելնիցկի, Դնեպրոպետրովսկի, Չերկասի, Կիրովոգրադի, Զապորոժյեի, Օդեսայի, Խերսոնի, Կիևի և Վիննիցայի շրջաններում։
Բացի այդ, ըստ հաղորդագրության, Խարկովի մարզում արձակվել է ութ С-300/С-400 զենիթահրթիռային կառավարվող հրթիռ (նախկինում շրջանային ռազմական վարչակազմը ևս նույնքան հրթիռների մասին էր հայտնել)։
ՌԴ ՊՆ-ն, իր հերթին, առավոտյան հայտարարել է, որ գիշերը Ազովի ծովի վրա խոցվել է ութ ամերիկյան ATACMS օպերատիվ-մարտավարական հրթիռ, իսկ Սև ծովի վրա` բռնակցված Ղրիմի ափերի մոտ` ութ անօդաչու թռչող սարք և երկու անօդաչու ռազմանավ:
Բացի այդ, Պաշտպանության նախարարության տվյալներով՝ վաղ առավոտյան Կրասնոդարի երկրամասի տարածքում հակաօդային պաշտպանության համակարգերի կողմից խոցվել է հինգ անօդաչու թռչող սարք։ Նովոռոսիյսկում օդային սպառնալիք է հայտարարվել։
