16.12.2025 | 15:22
Եվրոպայի առաջնորդները խոստանում են բազմազգ ուժեր ստեղծել Ուկրաինայի համար
Թուրքիայի խորհրդարանի նախագահն Ադրբեջանում է
Քաղաքականություն
29.08.2018 | 12:19
Պաշտոնական այցով Ադրբեջանում գտնվող Թուրքիայի նախկին վարչապետ, այժմ խորհրդարանի նախագահ Բինալի Յըլդըրըմը Բաքվի օդանավակայանում լրագրողների հետ զրույցում խոսել է թուրք-ադրբեջանական հարաբերությունների մասին. փոխանցում է ermenihaber.-ը:
Յըլդըրըմը մասնավորապես ասել է.
«Ադրբեջանը և Թուրքիան այնպիսի երկրներ են, որոնք «երկու պետություն, մեկ ազգ» գիտակցությամբ ձեռք ձեռքի բռնած ցանկացած հարթակում զարգացնում են իրենց հարաբերությունները և միասին համագործակցում են ինչպես տարածաշրջանային, այնպես էլ միջազգային հարցերում։ Հավատում ենք, որ այս այցը թափ կհաղորդի մեր հարաբերություններին զարգացմանը։ Հաճելի է գտնվել մեր հայրենիքում՝ Ադրբեջանում։ Ողջունում եմ ադրբեջանցի ժողովրդին»։
Աղբյուրը հաղորդում է, որ Յըլդըրըմը Ադրբեջանում հանդիպելու է նախագահ Իլհամ Ալիևի, խորհրդարանի նախագահ Օքթայ Ասադովի, վարչապետ Նովրուզ Մամմեդովի հետ։
Թուրքիայի խորհրդարանի նախագահը նաև այցելելու է «Թուրքալեզու երկրների խորհրդարանական վեհաժողովի» Բաքվի գրասենյակ։
