01.11.2024 | 10:33
Պիստակներում թաքցված թմրամիջոց․ Իրանի քաղաքացիներ են ձերբակալվել
Հաքերները ստանձնել են ռուսական CDEK-ի համակարգը կոտրելու պատասխանատվությունը․ ընկերությունը երեք օր է՝ ծանրոցներ չի առաքում
Քաղաքականություն
28.05.2024 | 22:30
Head Mare հաքերային խումբը ստանձնել է ռուսական CDEK առաքման ծառայություններ մատուցող ընկերության աշխատանքը խափանելու պատասխանատվությունը, որն արդեն երեք օր է՝ պատվերներ չի մատակարարում հաճախորդներին, գրում է Մեդուզան։
«Head Mare-ը CDEK-ին ժամանակ չտվեց պաշտպանվելու համար: Պարզվեց, որ համակարգի ադմինիստրատորները չափազանց թույլ են, իսկ անվտանգության քաղաքականությունն իրեն չարդարացրեց։ CDEK-ը շարունակում է լինել Ռուսաստանում ամենավատ առաքման ծառայության խորհրդանիշը՝ գերազանցելով նույնիսկ ՌԴ փոստին»,- ասվում է խմբի սոցցանցում տարածված հայտարարության մեջ։
Հաքերները պնդում են, որ իրենք գաղտնագրել են CDEK-ի տվյալների բազաները և ոչնչացրել կորպորատիվ համակարգերի կրկնօրինակները, որոնք, իբր, պատրաստվել են ծառայության կողմից վեց ամիսը մեկ անգամ։ Ընկերությունում «Վեդոմոստիի» աղբյուրը հաստատել է, որ հաքերներն օգտագործել են կոդավորման վիրուս։
CDEK-ի կայքը և հավելվածը դադարել են գործել մայիսի 26-ի առավոտյան։ Ընկերությունը հայտարարել է լայնածավալ «տեխնիկական ձախողման» մասին։ Ծառայությունը կասեցրել է առաքումների ընդունումն ու թողարկումը՝ «պատվերների ձեռքով մշակման սխալներից խուսափելու համար»։
