14.01.2026 | 22:39
Ինչ իրավիճակ է ճանապարհներին
Նավալնիի նախկին փաստաբաններ Լիպցերի և Կոբզևի կալանքը երկարացվել է
Քաղաքականություն
28.05.2024 | 20:53
Մոսկվայի Բասմանի դատարանը մինչև օգոստոսի 3-ը երկարացրել է բանտում մահացած ընդդիմադիր գործիչ Ալեքսեյ Նավալնիի՝ նախկին փաստաբաններ Ալեքսեյ Լիպցերի և Վադիմ Կոբզևի կալանքը, որոնք մեղադրվում են «ծայրահեղական համայնքին» մասնակցելու մեջ։ Այսպես, մայիսի 28-ին դատավոր Տիմուր Վախրամեևը բավարարել է հետաքննության պահանջը, հայտնում է DW-ի ռուսական ծառայությունը։
Սույն ժամկետն անհրաժեշտ է մեղադրյալին քրեական գործի նյութերին ծանոթացնելու և գործը դատախազություն ուղարկելու համար, նշել է հետաքննության ներկայացուցիչը։ Բացի այդ, հայտարարվել է, որ հետաքննությունը կավարտվի ապրիլի սկզբին, և վերջնական մեղադրանք կներկայացվի։
Մեղադրյալներն արդեն սկսել են ծանոթանալ գործի նյութերին, ասել է հետաքննության ներկայացուցիչը։
«Քրեական գործով ապացույցների հավաքագրումն ավարտվել է»,- հայտնել է Քննչական կոմիտեի քննիչը։
Լիպցերն ու Կոբզևը մեղադրվում են «ծայրահեղական համայնքին» մասնակցելու համար։ Նրանք չեն ընդունում մեղքը։ Նույն գործով կալանավորվել է նաև փաստաբան Իգոր Սերգունինը, որն աշխատել է Նավալնիի հետ։
