07.07.2026 | 15:20
Հուլիսի 10-ից ֆիզիկական անձինք չեն կարողանա բուսասանիտարական բեռներ արտահանել առևտրային քանակով․ ՍԱՏՄ
Ոստիկանները Սարդարապատում պատ են կազմել՝ փորձելով թույլ չտալ Կաթողիկոսին մոտենալ հուշահամալիրին․ ՏԵՍԱՆՅՈՒԹ
Քաղաքականություն
28.05.2024 | 15:12
Սարդարապատում ոստիկանները պատ են կազմել՝ խոչընդոտելով Ամենայն հայոց կաթողիկոս Գարեգին Բ-ի և մի խումբ հոգևորականների մուտքը հուշահամալիր։ Factor.am-ի տեղեկություններով Հայ առաքելական եկեղեցու առաջնորդի գլխավորած պատվիրակությունը, այնուամենայնիվ, մուտք է գործել հուշահամալիր և աղոթքից հետո հեռացել։
Սարդարապատում այս պահին ընթանում է Հանրապետության տոնի առիթով կազմակերպված հանդիսավոր միջոցառումը, որին մասնակցում են վարչապետ Նիկոլ Փաշինյանը, նախագահ Վահագն Խաչատուրյանը, ԱԺ նախագահ Ալեն Սիմոնյանը և այլ բարձրաստիճան պաշտոնյաներ։
Միջոցառմանն ընդառաջ ոստիկանության մեծաթիվ ուժեր են կենտրոնացվել հուշահամալիրի տարածքում։
Երեկ «Տավուշը հանուն հայրենիքի» շարժման մասնակիցները Բագրատ արքեպիսկոպոս Գալստանյանի առաջնորդությամբ ուղևորվել էին Սարդարապատ՝ այնտեղ դիմավորելու լուսաբացը։ Շարժումը նաև հայտնել էր, որ ժամը 10:00-ին Սարդարապատի տարածքում հանրահավաք են անցկացնելու, որից հետո ավտոերթով շարժվելու են մայրաքաղաք։
Հիշեցնենք, նախորդ տարի Նիկոլ Փաշինյանն ու բարձրաստիճան մյուս պաշտոնյաններն առավոտյան էին այցելել Սարդարապատ։ Տեղի ունեցած հանդիսավոր միջացառման ընթացքում լրատվամիջոցների և այցելուների համար մուտքը փակ էր։
