14.01.2026 | 22:39
Ինչ իրավիճակ է ճանապարհներին
Ուկրաինան կարող է Բրյուսելի կողմից փոխանցված F-16 կործանիչներն օգտագործել միայն իր տարածքում․ Բելգիայի վարչապետ
Քաղաքականություն
28.05.2024 | 17:55
Բելգիայի վարչապետ Ալեքսանդր դե Կրոոն հայտարարել է, որ Ուկրաինան կարող է իր տարածքում օգտագործել Բրյուսելի կողմից փոխանցված F-16 կործանիչները։ Այս մասին նա ասել է Ուկրաինայի նախագահ Վլադիմիր Զելենսկիի հետ համատեղ ասուլիսի ժամանակ, գրում է Европейская правда-ն։
Կրոոն ասել է, որ տրամադրված զենքի կիրառման պայմանները հստակ նշված են Բելգիայի և Ուկրաինայի միջև ստորագրված անվտանգության համաձայնագրում։
«Ուկրաինայի զինված ուժերը դրանք [կործանիչները] կարող են օգտագործել ուկրաինական տարածքում»,- նշել է պաշտոնյան՝ հավելելով, որ այդ համաձայնագիրը նախատեսում է Ուկրաինային հակաօդային պաշտպանության համակարգերի, հրետանու, զրահատեխնիկայի և F-16 կործանիչների տրամադրում, որից առաջինը Բելգիան մտադիր է փոխանցել 2024 թվականի երկրորդ կեսին։
Ստորագրված անվտանգության համաձայնագրում նշվում է F-16 կործանիչների ճշգրիտ թիվը՝ 30, որոնք Ուկրաինային կմատակարարվեն մինչև 2028 թվականը։
