09.09.2026 | 18:10
ՌԴ-ից Ադրբեջանի տարածքով գարի ու ցորեն կուղարկվի Հայաստան
Իրանն առաջին անգամ ՌԴ-ին է փոխանցել նորագույն կառավարվող ռումբեր՝ Ուկրաինային հարվածելու համար․ Bild
Քաղաքականություն
28.05.2024 | 15:31
Իրանն առաջին անգամ Ռուսաստանին է փոխանցել նորագույն կառավարվող ավիառումբեր՝ Ուկրաինային հարվածելու համար։ Այս մասին գրում է Bild-ը՝ վկայակոչելով ռազմական վերլուծաբան Յուլիան Ռյոպկեին, փոխանցում է Current time-ը։
Ռյոպկեն վերլուծել է մայիսի 25-ին Կուրսկի շրջանում իրանական Mohajer-6 ԱԹՍ-ի կործանման վայրից տեսանյութը՝ նշելով, որ անօդաչուն կրել է իրանական Qaem-5 նորագույն կառավարվող ռումբերը: Ենթադրաբար, ԱԹՍ-ն պետք է հարձակվեր Սումիի շրջանի վրա, սակայն անհայտ պատճառներով այն չի հասել նպատակակետին և ընկել է։
BBC-ի ռուսական ծառայությունն էլ նշում է, որ Կուրսկի շրջանում ընկած անօդաչու թռչող սարքի թևի տակ գտնվող զինամթերքը շատ նման է Qaem-5 փոքր տրամագծով կառավարվող ռումբին, որով կարող են համալրվել իրանական ծանր անօդաչու սարքերը՝ Mohajer-6-ը և Hamaseh-ն։
Իրանցի ռազմական ինժեներների կողմից մշակված Qaem-5 ռումբը, որն Իրանի զինանոցը համալրել է 2019 թվականին, ունի հեռուստատեսային կառավարում և կարող է համալրվել տարբեր տեսակի մարտագլխիկներով։ Զինամթերքի թռիչքի հեռահարությունը մինչև 40 կմ է։
Ռուսական զորքերը սկսել են օգտագործել Mohajer-6 անօդաչու սարքերը Ուկրաինայի պատերազմում 2022 թվականի օգոստոսին, բայց առանց զենքի։ Ռյոպկեի կարծիքով՝ ռուսական բանակի կողմից Qaem-5 ռումբերի օգտագործումը կարող է վկայել Իրանի և Ռուսաստանի միջև ռազմական համագործակցության նոր մակարդակի մասին։
