09.09.2026 | 21:00
Եթե ՌԴ-ն գազը թանկացնի, Գազպրոմը կարժանանա ՀԷՑ-ի ճակատագրին, Ադրբեջանից և ԵՄ-ից գազ կգնենք․ Առնոլդ Բլեյան․ ՏԵՍԱՆՅՈՒԹ
Ուկրաինան և Բելգիան անվտանգության մասին համաձայնագիր են ստորագրել
Քաղաքականություն
28.05.2024 | 13:26
Ուկրաինայի նախագահ Վլադիմիր Զելենսկին և Բելգիայի վարչապետ Ալեքսանդր Դե Կրոոն Բրյուսելում ստորագրել են անվտանգության ոլորտում համագործակցության և երկարաժամկետ աջակցության մասին երկկողմ համաձայնագիր։ Ուկրաինայի նախագահի պաշտոնական էջում հրապարակված հաղորդագրության համաձայն՝ Բելգիան այս տարի Ուկրաինային ռազմական օգնության համար կհատկացնի առնվազն 977 մլն եվրո, գրում է ՈւՆԻԱՆ-ը։
Մասնավորապես, նման պարտավորությունը, ինչպես նաև տասնամյա ժամկետում Ուկրաինային աջակցություն ցուցաբերելու պատրաստակամությունն ամրագրված է այս փաստաթղթում։
«Առաջին անգամ անվտանգության նման համաձայնագրում նշվում է ռազմական ինքնաթիռների որոշակի քանակ, որոնք կտրամադրվեն Ուկրաինային՝ 30 միավոր F-16՝ մինչև 2028 թվականը: Ավելին, առաջին կործանիչները պետք է տեղափոխվեն այս տարի»,- ասվում է հաղորդագրության մեջ։
