09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
ՌԴ ՊՆ-ն հաստատել է, որ անհետացած ուկրաինացի լրագրող Վիկտորիա Ռոշչինան կալանավորվել է և Ռուսաստանում է
Քաղաքականություն
28.05.2024 | 12:52
ՌԴ Պաշտպանության նախարարությունը հաստատել է, որ Զապորոժիեի շրջանի օկուպացված հատվածում անհետացած ուկրաինացի լրագրող Վիկտորիա Ռոշչինան կալանավորվել է և գտնվում է Ռուսաստանում։ Այս մասին ասված է նրա հոր դիմումին գերատեսչության պատասխանում, գրում է ուկրաինական «Գրատի» պորտալը։
Վիկտորիայի մասին գրեթե ինը ամիս ոչինչ հայտնի չէր։
«Ըստ առկա տեղեկատվության՝ Վիկտորիա Ռոշչինան ձերբակալվել է և ներկայում գտնվում է Ռուսաստանի Դաշնության տարածքում»,- ասվում է ՌԴ ՊՆ նամակում։
Գերատեսչությունը չի նշում, թե կոնկրետ որտեղ է լրագրողը, ինչում է կասկածվում կամ մեղադրվում։
Նշվում է, որ այս տեղեկատվության հայտնվելուց հետո Ուկրաինայի ռազմագերիների համակարգող շտաբը հաստատել է Ռոշչինայի «գերի» լինելու կարգավիճակը։
