Բաքվի դատարանը չի բավարարել Ռուբեն Վարդանյանի ապօրինի կալանքը երկարաձգելու հետ կապված բողոքը
Քաղաքականություն
27.05.2024 | 14:31![](https://factor.am/wp-content/uploads/2023/10/Ռուբեն-Վարդանյան.jpg)
Բաքվում քննվել է Արցախի նախկին պետնախարար Ռուբեն Վարդանյանի ապօրինի կալանքը երկարաձգելու մասին դատարանի որոշման հետ կապված բողոքը։ Ադրբեջանական լրատվամիջոցների հաղորդմամբ՝ որոշումն ընթերցվել է Բաքվի վերաքննիչ դատարանում տեղի ունեցած դատավարության ժամանակ, Ռուբեն Վարդանյանի բողոքը չի բավարարվել։
Նշենք, որ ապրիլի 16-ին Ռուբեն Վարդանյանի կալանքի ժամկետը երկարաձգվել էր 5 ամսով։ Բաքվի Սաբայիլի շրջանային դատարանը բավարարել էր ներկայացված միջնորդությունը։
Բաքուն Ռուբեն Վարդանյանին Հակարիի կամրջից առևանգել է 2023 թվականի սեպտեմբերի 27-ին, ապօրինի ձերբակալել և շինծու մեղադրանքներ առաջադրել։