07.10.2026 | 12:28
Իսպանացի մրցավարը որակազրկվել է պատանեկան ԵԱ-ում հայ բռնցքամարտիկների մենամարտերում սխալ որոշումների համար
Հյուսիս-հարավի Աշտարակ-Թալին հատվածում ակտիվ շինարարություն է ընթանում
Տնտեսություն
25.05.2024 | 11:40
Հյուսիս-հարավ ճանապարհի Տրանշ-2-ի Աշտարակ-Թալին 34կմ հատվածում ակտիվ շինարարություն է ընթանում։ Տարբեր տեղամասերում իրականացվում են հողային աշխատանքներ, ժայռային հանույթ, կառուցվում են արհեստական կառուցվածքները, կողային առուները, հողային պաստառը, տեղադրվում է խճային հիմքը և այլն։ «Ճանապարհային դեպարտամենտ» հիմնադրամից հայտնում են, որ որոշ հատվածներում մեկնարկել են նաև ասֆալտբետոնե ծածկի տեղադրման աշխատանքները։
Ինչպես տեղեկացնում է շինարարության տեխնիկական հսկողություն իրականացնող ընկերության ռեզիդենտ-ինժեներ Պիեռ Մյուրիսը, ճանապարհի ձախակողմյան հատվածում շինարարությունը կավարտվի ընթացիկ տարվա վերջին՝ երթևեկությունը տեղափոխելով ձախակողմյան հատված։ Իսկ ամբողջ ճանապարհի կառուցումը նախատեսված է ավարտել 2025 թվականին։
Հիշեցնենք, որ Հյուսիս-հարավի Տրանշ-2-ը կառուցվում է երկու՝ Ագարակի հնագիտական վայրը շրջանցող 8կմ և Աշտարակ-Թալին 34կմ հատվածներով։
Կառուցումը ֆինանսավորվում է ՀՀ կառավարության և Ասիական զարգացման բանկի կողմից։
Ծրագիրն իրականացնում է «Ճանապարհային դեպարտամենտ» հիմնադրամը։
