05.08.2026 | 19:29
ԵԽԽՎ նախագահը շնորհավորել է Ռուբեն Ռուբինյանին ՀՀ ԱԺ նախագահի պաշտոնում ընտրվելու կապակցությամբ
Քննչական և Հակակոռուպցիոն կոմիտեների չորս պաշտոնյաների նոր դասային աստիճան է շնորհվել
Հասարակություն
25.05.2024 | 10:42
Հիմք ընդունելով վարչապետի միջնորդությունը՝ համաձայն Սահմանադրության 137-րդ հոդվածի և «Հանրային ծառայության մասին» օրենքի 52-րդ հոդվածի 1-ին մասի, ՀՀ նախագահ Վահագն Խաչատուրյանը հրամանագրեր է ստորագրել ՀՀ քննչական կոմիտեի և Հակակոռուպցիոն կոմիտեի չորս պաշտոնյաների արդարադատության երրորդ դասի պետական խորհրդականի դասային աստիճան շնորհելու մասին։
Արդարադատության երրորդ դասի պետական խորհրդականի դասային աստիճան շնորհվել է ՀՀ հակակոռուպցիոն կոմիտեի նախագահի տեղակալ, արդարադատության առաջին դասի խորհրդական Արտակ Պողոսյանին, ՀՀ հակակոռուպցիոն կոմիտեի նախագահի տեղակալ, արդարադատության առաջին դասի խորհրդական Էդիկ Հակոբյանին։
Նշված դասային աստիճան է շնորհվել նաև ՀՀ քննչական կոմիտեի նախագահի տեղակալ, արդարադատության առաջին դասի խորհրդական Վիգեն Մեսրոպյանին և ՀՀ քննչական կոմիտեի նախագահի տեղակալ-զինվորական քննչական գլխավոր վարչության պետ, արդարադատության առաջին դասի խորհրդական Արման Ասլանյանին։
