26.06.2026 | 23:08
«Նոր Ուժ»-ն այլևս չի մասնակցի ՍԴ-ում ընտրությունների արդյունքների վիճարկման գործով նիստերին. ՏԵՍԱՆՅՈՒԹ
Ավտոմեքենան գլխիվայր շրջվել է ձորակը. կան տուժածներ
24.05.2024 | 23:15
Մայիսի 24-ին՝ ժամը 18:26-ին, Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Գյումրի-Բավրա ավտոճանապարհին՝ «Ղոչի աղբյուր» կոչվող տարածքում, ավտոմեքենան գլորվել է ձորը: Այս մասին տեղեկացնում են ՆԳՆ ՓԾ-ից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ «Ղոչի աղբյուր» կոչվող հատվածում «Nissan» մակնիշի ավտոմեքենան (վարորդ՝ Լ. Ա., ծնված 1951 թ.) դուրս է եկել ճանապարհի երթևեկելի հատվածից և գլխիվայր շրջվել հարակից ձորակը. կան տուժածներ:
Փրկարարները հոսանքազրկել են ավտոմեքենան, փակել գազի բալոնի փականը, վարորդին, ուղևորներ՝ Գ. Ա.-ին (ծնված 1987 թ.) և Ա. Հ.-ին (ծնված 1985 թ.) մոտեցրել շտապօգնության ավտոմեքենային. տուժածները հոսպիտալացվել են բժշկական կենտրոններ, որտեղ բժիշկները վարորդի և Գ. Ա.-ի առողջական վիճակները գնահատել են բավարար, իսկ Ա. Հ.-ինը՝ միջին ծանրության:
