Մեզ մոտ քրեական մշակույթն է գերիշխում, որտեղի՞ց հանդուրժող լինենք, պետք է ամաչենք. Տիգրան Հեքեքյան. ՏԵՍԱՆՅՈՒԹ

«Ծանրագույն տառապանքների մեջ եմ, երբ տեսնում եմ մեր երկիրն անտեր վիճակում: Ինձ թվում է`ով գա, թաթը կգցի իր փայը կտանի: Մեկը չկա`այդ թաթին խփի, ասի`մի րոպե… Մենք պետւթյան շահով չենք ապրում, այլ` մեր աձնական: Մեր երգային արվեստն էլ դարերով եղել է մոնոդիկ, ոչ բազմաձայն»,-Factor TV-ի հետ զրույցում տեսակետ է հայտնում «Հայաստանի փոքրիկ երգիչներ» երգչախմբի գեղարվեստական ղեկավար և դիրիժոր Տիգրան Հեքեքյանը:

Նրա խոսքով`մեզանում չկա հանրային համերաշխություն, առկա է միասնականության պակաս. «Դրանից ակամայից մանր ու նսեմ ես զգում: Պառակտվածությունը սարսափելի վտանգներ է պարունակում»:

Տիգրան Հեքեքյանի կարծիքով` չնայած դարերի փորձություններին, մենք առանձնապես հեռատես չենք, դեպի առաջ չենք նայում. «Ուրիշ երկրներ գործընկերներ են փնտրում, մենք` ընկերներ, չկա´ եղբայրություն, կա շահ և արժանապատիվ բարեկամություն»:

Դիրիժորը խոսում է նաև մեր հանրության շրջանում ձևավորված ատելության մթնոլորտի մասին. «Մենք իրար սիրող ժողովուրդ ենք եղել, հիմա ի՞նչն է խանգարում, որ իրար հանդեպ հանդուրժող լինենք: Մեզ մոտ քրեական մշակույթն է գերիշխում, որտեղի՞ց լինի հանդուրժողականություն, պետք է ամաչենք: Գրանտներ փոխանցելուց բացի` ԿԳՄՍ նախարարությունը ատելության մթնոլորտը վերացնելու դեմ պետք է քաղաքականություն տանի»:

Տիգրան Հեքեքյանը անդրադառնում է նաև երկրի համար վճռորոշ պահերին մտավորականների դերին. «Արվեստի մարդը պետք է լինի մտավորական, նա պատասխանատվություն է կրում: Բայց վտանգավոր են այն մարդիկ, որոնք իրենց դրել են մտավորականի տեղ և կարծում են` այնքան խելոք են, որ պետք է կարծիքներ հայտնեն»:

Մանրամասները`տեսանյութում:

Աննա Բաբաջանյան