11.08.2026 | 09:43
Արմավիրի մարզում 2026-ի առաջին կիսամյակում սպանության, սպանության փորձի և ավազակության բոլոր դեպքերը բացահայտվել են. ՆԳՆ
Երեք ամերիկացի զինվոր է վիրավորվել Գազայի հատվածի մոտ գտնվող նավամատույցում
Քաղաքականություն
24.05.2024 | 14:56
Երեք ամերիկացի զինվորական ոչ մարտական վիրավորում է ստացել ժամանակավոր նավամատույցը մարդասիրական օգնություն հացնելու համար ջրանցքի վերածելու աշխատանքների ժամանակ։ Այս մասին հայտնել են ամերիկացի պաշտոնատար անձինք, փոխանցում է VOA-ն։
Նրանք դարձել են առաջին ամերիկացի զինվորականները, որոնք տուժել են մարդասիրական օգնություն մատակարարելու վերջին օպերացիայի ժամանակ։ Զինվորականներն ափի մոտ լողացող կառույց էին հավաքում, որի կառուցման մասին մարտին հայտարարել էր ԱՄՆ նախագահ Ջո Բայդենը։
ԱՄՆ կենտրոնական հրամանատարության ղեկավարի տեղակալ, փոխծովակալ Բրեդ Կուպերը լրագրողներին հայտնել է, որ երկու զինվորներ ստացել են սրունքի սալջարդ և մեջքի թեթև վնասվածք։
«Վնասվածքներից երկուսը շատ թեթև են։ Նրանք արդեն արդեն վերադարձել են ծառայության»,- ասել է Կուպերը:
Նա հայտնել է, որ ծովում նավի վրա վիրավորված երրորդ զինվորականը տարհանվել է Իսրայելի հիվանդանոց:
ԱՄՆ պաշտպանության ոլորտի պաշտոնյան, որը ցանկացել է անանուն մնալ, հայտնել է, որ տղամարդը ծայրահեղ ծանր վիճակում է:
