23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
ԿՀՎ տնօրենը մեկնում է Եվրոպա՝ Գազայում հրադադարի շուրջ բանակցությունների
Քաղաքականություն
24.05.2024 | 16:29
ԱՄՆ ԿՀՎ տնօրեն Ուիլյամ Բըրնսը մեկնում է Եվրոպա՝ փորձելու բանակցություններ վարել Իսրայելի և ՀԱՄԱՍ-ի միջև հրադադարի և պատանդների մասին համաձայնագրի շուրջ, որը կավարտի Գազայի հատվածում պատերազմի ընթացքը։ Այս մասին CNN-ին հայտնել է ԱՄՆ պաշտոնյան։
«Տնօրենն առաջիկա օրերին մեկնում է Եվրոպա՝ բանակցությունները վերակենդանացնելու նպատակով։ Նա հաճախակի քննարկումների մեջ է եգիպտացիների, կատարցիների և իսրայելցիների հետ։ Ե՛վ Եգիպտոսը, և՛ Կատարը շատ ներգրավված են, ինչպես և իսրայելցիները»,- ասել է ամերիկացի պաշտոնյան։
Կատարցի մի պաշտոնյա էլ CNN-ին հայտնել է, որ բանակցություններին կմասնակցի նաև Կատարի վարչապետ Մուհամեդ բեն Աբդուլռահման բեն Ջասիմ Ալ-Թանին։ Նա այժմ Փարիզում է։
Պաշտոնյաներից ոչ մեկը տեղեկություն չի հայտնել մյուս մասնակիցների մասին: Նախկին բանակցություններում նրանց Փարիզում միացել էին նաև իսրայելական Մոսադի տնօրեն Դեյվիդ Բարնեան և Եգիպտոսի հետախուզության ղեկավար Աբբաս Քամելը։
