24.06.2026 | 05:04
ԱԱ-2026. Խորվաթիան տարավ առաջին հաղթանակը. ՏԵՍԱՆՅՈՒԹ
Ճապոնիան և Հարավային Կորեան հայտարարել են ՌԴ-ի և Հյուսիսային Կորեայի դեմ պատժամիջոցների մասին՝ կապված զենքի մատակարարումների հետ
Քաղաքականություն
24.05.2024 | 14:17
Ճապոնիայի կառավարությունը պատժամիջոցներ է սահմանել Ռուսաստանի դեմ՝ Հյուսիսային Կորեայից երկիր զենք մատակարարելու և Ուկրաինա շարունակվող ներխուժման պատճառով: Պատժամիջոցներ են կիրառվել ռուսական ինը, Կիպրոսում գրանցված երկու ընկերությունների և մեկ ռուս գործարարի նկատմամբ, փոխանցում է BBC-ի ռուսական ծառայությունը։
Ճապոնիայի կառավարության գլխավոր քարտուղար Յոշիմասա Հայաշին, սակայն, չի նշել ո՛չ ընկերությունների, ո՛չ ռուսաստանցի գործարարի անունները։ Ճապոնիայում նրանց ակտիվներն ու վճարումները կսառեցվեն, հայտնել է Ճապոնիայի ԱԳՆ-ն։
Հարավային Կորեան նույնպես հայտարարել է Մոսկվայի և Փհենյանի դեմ պատժամիջոցներ սահմանելու մասին։ Դրանք ազդել են Հյուսիսային Կորեայի յոթ քաղաքացիների և երկու ռուսական նավերի վրա:
Երկրի ԱԳՆ հայտարարության մեջ նշվում է, որ այդ անձանց և ռուսական նավերի դեմ պատժամիջոցները կապված են Փհենյանի միջուկային և հրթիռային մշակումների համար նյութեր մատակարարելու և այդ զարգացումների ֆինանսավորման մեջ նրանց ներգրավվածության հետ։
Սեուլի հայտարարության մեջ ասվում է նաև, որ պատժամիջոցների տակ գտնվող քաղաքացիներն ու կազմակերպությունները ներգրավված են ԿԺԴՀ-ի և Ռուսաստանի միջև զինամթերքի տեղափոխման գործում: Ցուցակում հայտնված անձանց հետ ցանկացած ֆինանսական գործարք կպահանջի Հարավային Կորեայի իշխանությունների հատուկ թույլտվությունը:
