14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Բորտնիկովը հայտարարել է «Կրոկուս»-ի ահաբեկչությանը Ուկրաինայի հետախուզության «մասնակցության» մասին
Քաղաքականություն
24.05.2024 | 13:33
ՌԴ Անվտանության դաշնային ծառայության տնօրեն Ալեքսանդր Բորտնիկովը հայտարարել է, որ մարտի 22-ին «Կրոկուս սիթի հոլլ» համերգասրահի վրա հարձակումը կազմակերպել են «Վիլայաթ Խորասան» ջիհադիստական խմբավորման զինյալները, որն անվանում են ԻԼԻՊ-ի «աֆղանական ճյուղ», գրում է BBC-ի ռուսական ծառայությունը։
Միաժամանակ, նա կրկնել է Ռուսաստանի իշխանությունների նախկին չհիմնավորված պնդումները, որ հարձակման հետ կապ ունի Ուկրաինայի ռազմական հետախուզությունը։
Բիշքեկում ԱՊՀ երկրների անվտանգության ծառայությունների ղեկավարների խորհրդի նիստի ժամանակ Բորտնիկովն ասել է, որ ավելի քան 20 մարդ, «ներառյալ՝ անմիջական կատարողներն ու հանցակիցները», ձերբակալվել են «Կրոկուս»-ում հարձակման հետ կապված։
«Նախապատրաստական գործողությունները, ֆինանսավորումը, հարձակումը և ահաբեկիչների դուրսբերումը համակարգվել են համացանցի միջոցով աֆղանական-պակիստանյան գոտում գտնվող «Վիլայաթ Խորասան» խմբավորման անդամների կողմից»,- ասել է Բորտնիկովը։
Նա նաև պնդել է, որ «ուկրաինական ռազմական հետախուզությունն անմիջականորեն կապված է այդ հարձակման հետ»։ Բորտնիկովը նման կապի ոչ մի համոզիչ ապացույց չի ներկայացրել։
Ուկրաինան, ինչպես նաև արևմտյան պետությունների ներկայացուցիչները, ահաբեկչությանը Կիևի մասնակցության վերաբերյալ Մոսկվայի պնդումները որակել են որպես իրականության հետ կապ չունեցող։
