09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
Իրանի նախագահի կործանված ուղղաթիռի վրա փամփուշտի հետքեր չկան․ ԶՈՒ Գլխավոր շտաբը հրապարակել է ուղղաթիռի կործանման նախնական պատճառները
Քաղաքականություն
24.05.2024 | 11:00
Իրանի Զինված ուժերի գլխավոր շտաբը հրապարակել է նախագահական ուղղաթիռի կործանման պատճառները հետաքննող Գերագույն հանձնաժողովի նախնական զեկույցը։ Նշվում է, որ հավաքագրվել է վթարի պատճառների վերաբերյալ զգալի քանակությամբ մասնագիտացված, տեխնիկական և ընդհանուր տեղեկատվություն։ Iranist-ի փոխանցմամբ՝ զեկույցում ասվում է, որ աղետի վերաբերյալ որոշ փաստեր դեռ պետք է ստուգվեն, սակայն որոշները կարելի է վստահորեն հրապարակել։
Ըստ այդմ՝ ուղղաթիռը թռել է նախատեսված երթուղով և չի հեռացել նշանակված թռիչքի ուղուց՝ մինչև ուղղաթիռը կործանվել է։ Օդաչուն վթարից մեկուկես րոպե առաջ կապ է հաստատել երկու այլ ուղղաթիռների օդաչուների հետ։
Նշվում է, որ կործանված ուղղաթիռի վրա փամփուշտների հետքեր չկան։
Վթարի ենթարկված ուղղաթիռը հրդեհվել է միայն լեռան հետ բախվելուց հետո։
Բարդ տեղանքի, մառախուղի և ցածր ջերմաստիճանի պատճառով որոնողական աշխատանքները շարունակվել են ամբողջ գիշեր, ինչպես նաև երկուշաբթի վաղ առավոտյան, իսկ առավոտյան ժամը 5-ին իրանական անօդաչու սարքերի օգնությամբ պարզվել են աղետի ճշգրիտ կոորդինատները։
Դիտաշտարակի և թռիչքի անձնակազմի խոսակցություններում կասկածելի միջադեպեր չեն գրանցվել։
Նշվում է, որ տեղեկությունների մեծ մասն ավելի մանրազնին ուսումնասիրություն է պահանջում, սակայն արդյունքում վերջնական զեկույցը կհրապարակվի Իրանի ժողովրդին։
