22.06.2026 | 04:06
ԱԱ-2026. Ուրուգվայ – Կաբո Վերդե` 2:2. ՏԵՍԱՆՅՈՒԹ
Բլինքենը հայտարարել է վիզային սահմանափակումների մասին Վրաստանում ժողովրդավարության խաթարման պատասխանատուների նկատմամբ
Քաղաքականություն
24.05.2024 | 12:10
ԱՄՆ պետքարտուղար Էնթոնի Բլինքնեը հայտարարել է Վրաստանի համար նոր վիզային սահմանափակումների ներդրման քաղաքականության մասին՝ «Արտաքին ազդեցության թափանցիկության մասին» օրենքի պատճառով, գրում է Current time-ը։
Հայտարարության մեջ նշվում է, որ վիզայի սահմանափակումները կիրառվելու են Վրաստանում ժողովրդավարության խաթարման համար պատասխանատու անձանց, ինչպես նաև նրանց ընտանիքի անդամների նկատմամբ: Այդ անձանց շրջանակում են նրանք, ովքեր պատասխանատու են Վրաստանում բռնության կամ ահաբեկման միջոցով քաղաքացիական հասարակությանը և խաղաղ հավաքների ազատությունը ճնշելու համար։
«Յուրաքանչյուրը, ով խաթարում է ժողովրդավարական գործընթացները կամ ինստիտուտները Վրաստանում, այդ թվում՝ 2024 թվականի հոկտեմբերին Վրաստանում կայանալիք ընտրություններից առաջ, ընթացքում և հետո, կարող է համարվել ամերիկյան վիզա ստանալու իրավունք չունեցող և կզրկվի ԱՄՆ այցելելու հնարավորությունից»,- ասել է Բլինքենը։
ԱՄՆ-ը մտադիր է նաև վերանայել Վրաստանի հետ երկկողմ համագործակցությունը։
«Մենք նախկինի պես հույս ունենք, որ Վրաստանի առաջնորդները կվերանայեն օրինագիծը և քայլեր կձեռնարկեն իրենց երկրի ժողովրդավարական և եվրաատլանտյան նկրտումներն առաջ տանելու համար: Վերանայելով մեր երկու երկրների հարաբերությունները՝ մենք հաշվի են առնելու Վրաստանի գործողությունները»,-հավելել է Բլինքենը։
Նա սամանափակումների մասին նաև գրառում է արել X-ի իր միկրոբլոգում։
«Ես հայտարարում եմ վիզայի նոր սահմանափակումների մասին բոլոր նրանց համար, որոնք պատասխանատու են Վրաստանում ժողովրդավարությունը խաթարելու համար, այդ թվում՝ կապված «Վրացական երազանքի» առաջարկած «օտարերկրիա ազդեցության» մասին օրենքի հետ»,- գրել է ԱՄՆ պետքարտուղարը։
