02.07.2026 | 23:29
Կալանավորվել է գնդապետ Էդիկ Մալոյանը
Եթե դիտարկվի ՀԱՊԿ-ին Ադրբեջանի անդամակցության հարցը, ապա Հայաստանը կօգտագործի վետոյի իր իրավունքը. ՀՀ ԱԳՆ
Քաղաքականություն
28.08.2018 | 15:49
Այսօր ՀՀ ԱԳՆ խոսնակի ժամանակավոր պաշտոնակատար Աննա Նաղդալյանը հրավիրված մամուլի ասուլիսին պատասխանելով հարցին, թե պաշտոնական Երևանն իր համաձայնությունը չի՞ տալու, որպեսզի Ադրբեջանն անդամակցի ՀԱՊԿ-ին նշեց, որ վերլուծական շրջանակներում քննարկումներն իրականացվում են ենթադրյալ տեղեկատվության հիման վրա:
«Բարձրաձայնեմ ԱԳՆ պաշտոնական դիրքորոշումը, որը ներկայացվել էր նաև նախարարի կողմից: Եթե նման հարց դիտարկվի, Հայաստանը կօգտագործի վետոյի իր իրավունքը»,- ասաց նա:
Հստակեցնող հարցին, թե երեք տարին դեռ չէր լրացել, երբ Հայաստանը գլխավորում էր կառույցը, արդյո՞ք դա նշանակում է, որ այդ երեք տարին դեռ պիտի հայաստանցի թեկնածուն զբաղեցնի պաշտոնը, եթե անգամ Յուրի Խաչատուրովի պաշտոնը չեղարկվի քարտուղարությունում, ԱԳՆ խոսնակի ժամանակավոր պաշտոնակատարը նշեց, որ այս հարցի առնչությամբ, թե ինչպիսի զարգացումներ կլինեն, դրանք կլինեն արդեն խորհրդակցությունների, քննարկումների արդյունքում և կհաստատվեն Հավաքական անվտանգության խորհրդի կողմից:
«Մինչ այդ, գործընթացների մասին տեղեկատվություն տրամադրել հնարավոր չէ»,- հարցն ամփոփեց նա:
