15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Ալբերտ Բազեյանը ևս երկու ամիս կմնա տնային կալանքի տակ
Հասարակություն
23.05.2024 | 17:00
Երևանի նախկին քաղաքապետ, ԵԿՄ նախկին փոխնախագահ Ալբերտ Բազեյանի նկատմամբ ընտրված խափանման միջոց տնային կալանքը երկարացվել է երկու ամսով։ Այս տեղեկությունը Factor.am-ին հայտնեց Բազեյանի փաստաբան Գեորգի Մելիքյանը։
Հիշեցնենք, որ Բազեյանը 2023 թվականի սեպտեմբերի 23-ին ձերբակալվել, ապա՝ կալանավորվել է։ Նրա ձերբակալումից հետո ԱԱԾ-ն հաղորդագրություն տարածեց, որ «Բազեյանն ու «Խաչակիրներ» ռազմահայրենասիրական կազմակերպության ձերբակալված 7 անդամները ձեռք են բերել հեռահաղորդակցության սարքեր, հեռախոսային ու այլ կապը խլացնող սարքեր, ստեղծել պայմաններ իշխանությունը յուրացնելու համար, բայց իրենց կամքից անկախ հանցագործությունն ավարտին չեն հասցրել»։
Բազեյանը մեղադրանքը չի ընդունում։
Մի քանի ամիս կալանքի տակ գտնվելուց հետո մարտին նրա խափանման միջոց կալանավորումը փոխարինվել էր տնային կալանքով, որի ժամկետը, փաստորեն, երկարացվել է ևս երկու ամսով։
Արաքս Մամուլյան
