23.11.2024 | 11:00
Հոկտեմբերին եկամուտ ստացող աշխատատեղերի թվաքանակը կազմել է 779 151․ ՊԵԿ
Բլինքենն ակնկալում է, որ ԱՄՆ-ը միջոցներ կձեռնարկի Վրաստանի «օտարերկրյա գործակալների» մասին օրենքի հետ կապված
Քաղաքականություն
23.05.2024 | 13:45
ԱՄՆ Ներկայացուցիչների պալատի արտաքին հարաբերությունների հանձնաժողովում լսումների ժամանակ պետքարտուղար Էնթոնի Բլինքենն ասել է, որ ակնկալում է, որ Վաշինգտոնը «գործողություններ կձեռնարկի» Վրաստանի «օտարերկրյա գործակալների» մասին օրենքի հետ կապված:
Պատասխանելով կոնգրեսական Բիլլ Քիթինգի՝ Վրաստանում իրավիճակի մասին հարցին՝ Բլինքենն ասել է, որ իրեն շատ է անհանգստացնում «օտարերկրյա գործակալների» մասին օրենքը, որը նման է ռուսական օրենսդրությանը։
«Կարծում եմ, որ սա ակնհայտորեն հակասում է վրացիների ճնշող մեծամասնության՝ Եվրամիությանն ինտեգրվելու ցանկությանը։ Մենք ուշադրությամբ դիտարկում ենք՝ ինչ կարող ենք անել դրան ի պատասխան, և ես ակնկալում եմ, որ մենք միջոցներ կձեռնարկենք։ ԵՄ-ն կքննարկի օրենքի ազդեցությունը Վրաստանի անդամակցության գործընթացի վրա։ Ուստի հուսով եմ, որ այս օրենքի ազդեցության պատճառով որոշակի հետևանքներ կլինեն»,- նշել է նա։
