Հուշարձաններ ոչնչացնող Ադրբեջանը ՅՈՒՆԵՍԿՕ-ին կոչ է անում «փրկել» Կոնդը

Լուրեր

22.06.2024 | 20:00
Ադրբեջանի զինուժը թիրախավորել է դպրոցը․ 15-ամյա Գոռը 5 բեկորային վիրավորում է ստացել
22.06.2024 | 19:41
«Մի՛ աջակցեք բռնապետ Ալիևին»․ Ադրբեջանում դատական նիստում ընդդիմադիր գործիչը բողոքի ակցիա է անցկացրել
22.06.2024 | 19:30
Մի քանի րոպեում՝ նոր մեքենա. Ամերիաբանկի հնարավորություններն ու անակնկալ նվերները. ՏԵՍԱՆՅՈՒԹ
22.06.2024 | 19:18
ՀՀ-ի և Չինաստանի միջև հնարավոր ուղիղ օդային չվերթների գործարկումը առավել կզարգացնի համագործակցության ուղղությունները. Արշակյանը՝ Հուբեյում
22.06.2024 | 19:00
Նեյտրալ ես` ասում են լատենտ իշխանական, խոսում ես` բևեռների են բաժանում, խոսքն արժեք չունի. Վահագ Ռաշ. ՏԵՍԱՆՅՈՒԹ
22.06.2024 | 18:58
ՀՀ վարչապետի աշխատակազմն Ադրբեջանին առաջարկում է մեկնարկել հրադադարի ռեժիմի խախտման դեպքերի հետաքննության երկկողմ մեխանիզմի գործնականացման աշխատանքները
22.06.2024 | 18:41
Երևանի մի շարք հասցեներում և Վաղաշեն բնակավայրում գազանջատումներ կլինեն
22.06.2024 | 18:24
Ադրբեջանի պաշտպանության նախարարությունը կրկին ապատեղեկատվություն է տարածել. ՀՀ ՊՆ
22.06.2024 | 18:00
Սրճարանի՝ հայհոյախառն ռուսերենով ցուցանակը խախտում է «Լեզվի մասին» օրենքը. ինչ է անում կոմիտեն. ՏԵՍԱՆՅՈՒԹ
22.06.2024 | 17:26
Գրետա Վարդանյանը Փարիզի 2024 թվականի Պարալիմպիկ խաղերի ուղեգիր է նվաճել
22.06.2024 | 17:01
Կասկադ համալիրում նշվել է Յոգայի միջազգային օրը
22.06.2024 | 16:44
Ինչ եղանակ է սպասվում առաջիկա օրերին
22.06.2024 | 16:19
Գյումրի, Արարատ, Հրազդան, Վանաձոր և Ալավերդի քաղաքներում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
22.06.2024 | 15:55
Քուվեյթը ողջունել է Հայաստանի կողմից Պաղեստինի ճանաչումը
22.06.2024 | 15:32
Արագածի տարածաշրջանում կատարվում են գծանշման աշխատանքներ
Բոլորը

«Գեղարդ» հիմնադրամը հայտարարություն է տարածել, կապված՝ Երևանի Կոնդ հնագույն թաղամասը հայերից «փրկելու» ադրբեջանական կոչի հետ։

Հայտարարությունը՝ ստորև․

«Իր ագրեսիվ ու ծավալապաշտական, հակահայկական օրակարգի շրջանակում Ադրբեջանը շարունակում է կեղծ տեղեկատվական ու քարոզչական արշավը։ Տարիներ շարունակ ջանք ու ռեսուրս չխնայելով՝ հարևան երկիրը փորձում է ավելի քան 2800-ամյա Երևանը ներկայացնել «ադրբեջանական»։

Ադրբեջանի հերթական թիրախը Երևանի Կոնդ հնագույն թաղամասն է: Կոնդը, որն իր անվանումը ստացել է բարձր դիրքի շնորհիվ, պարսից տիրապետության ժամանակ վերանվանվել է «թափաբաշ» (բլուրի գլուխ)։ Թաղամասի հնագույն հուշարձաններից է 7-րդ դարում հիմնադրված Սուրբ Հովհաննես Մկրտիչ եկեղեցին, որն ավերվել է 1679 թվականի երկրաշարժի ժամանակ և վերականգնվել 1710 թվականին։

Կոնդ թաղամասի անունը ադրբեջանցիները շրջանառում են վերափոխված «թեփեբաշի» տարբերակով։ Ադրբեջանի նման քարոզարշավը նոր երևույթ չէ։ Դեռևս 2022թ․ հուլիսի 7-ին ադրբեջանցի «մշակութային ու հասարակական գործիչները» դիմել էին Միավորված ազգերի կրթության, գիտության և մշակույթի կազմակերպության (ՅՈՒՆԵՍԿՕ) գլխավոր տնօրեն Օդրի Ազուլեին՝ Երևանում «ադրբեջանական պատմամշակութային ժառանգության ոչնչացումը» կանխելու կոչով։

2024թ․ մայիսի 7-ին Ադրբեջանը, այս անգամ հասարակական կազմակերպությունների անունից, կրկին դիմել է ՅՈՒՆԵՍԿՕ-ի գլխավոր տնօրեն Օդրի Ազուլեին՝ Կոնդի պահպանմանն ուղղված կոչով։ Ստորագրողների թվում են, այսպես կոչված, «Արևմտյան Ադրբեջանի համայնք», «Իրևանի մշակութային ժառանգության քարոզչություն», «Զանգեզուր միություն» և հասարակական այլ կազմակերպություններ, որոնց անուներն արդեն իսկ բացահայտորեն արտացոլում են իրենց օրակարգն ու գործունեության նպատակը։

Մի կողմ թողնելով Կոնդի՝ ադրբեջանական չլինելու փաստը՝ այս հայտարարությունը պարադոքսալ է՝ հաշվի առնելով Նախիջևանում, Արցախում և այլ վայրերում հայկական պատմամշակութային արժեքների բացահայտ թիրախավորման Ադրբեջանի  քաղաքականությունը և փաստագրված ոչնչացումները։

Ավելին՝ հայտարարության մեջ Ադրբեջանը նաև ՅՈՒՆԵՍԿՕ-ի հետ երկխոսության և փոխգործակցության պատրաստակամություն է հայտնում՝ Հայաստանում «ադրբեջանական մշակութային ժառանգության ոչնչացումը» կանխելու նպատակով, ինչպես նաև կոչ անում՝ «փաստահավաք առաքելություն ուղարկել Երևան․․․»։ Նման կոչը հեգնական է ու հերթական պարադոքսը․ ՅՈՒՆԵՍԿՕ-ն 2020 թվականին անկախ տեխնիկական առաքելություն ստեղծելու պատրաստակամություն էր  հայտնել՝ գնահատելու Արցախում մշակութային արժեքների կարգավիճակը։ Ադրբեջանը, սակայն, խոչընդոտել էր առաքելության մուտքն Արցախ՝ մարտահրավեր նետելով  միջազգային կառույցներին ու նրանց գործունեությանը՝ ընդգծելով նաև Արցախում հայկական ժառանգության ոչնչացումը հաստատող փաստերը քողարկելու իր փորձերը:

Այսպիսով՝ Երևանի Կոնդ թաղամասի «ադրբեջանականացման» քարոզարշավն Ադրբեջանի ավելի լայն քաղաքական օրակարգի բացահայտ դրսևորումն է՝ ուղղված պատմությունը խեղաթյուրելուն ու Հայաստանի տարածքների նկատմամբ իր հավակնությունները ներկայացնելուն։ Միջազգային հանրության կողմից համապատասխան քայլեր չձեռնարկելու պայմաններում հայկական պատմամշակութային արժեքների ոչնչացումը տագնապալի մասշտաբների է հասել․ գրավված Արցախում այսօր առնվազն 1456 հայկական պատմամշակութային հուշարձան գտնվում է Ադրբեջանի վերահսկողության տակ։