07.10.2026 | 09:30
ՀՀ տարածքում ավտոճանապարհներն անցանելի են
ՌԴ-ն Կատարի միջնորդությամբ Ուկրաինային 6 երեխայի է փոխանցել
Քաղաքականություն
22.05.2024 | 15:25
Ռուսաստանը Կատարի միջնորդությամբ Ուկրաինային է փոխանցել 6 երեխայի։ Այս մասին հայտնում է ՏԱՍՍ-ը, որին վկայակոչում է BBC-ի ռուսական ծառայությունը։
ՏԱՍՍ-ի թղթակիցը հաղորդում է, որ «երեխաների հետ վերամիավորումը» տեղի է ունեցել Մոսկվայում Կատարի դեսպանատանը։
«Փոխանցված երեխաների խումբը բաղկացած է 6-ից 17 տարեկան վեց տղաներից, այդ թվում՝ երկու եղբայրներից»,- ասվում է հաղորդագրության մեջ։
Ուկրաինական կողմն այս լուրը դեռևս չի մեկնաբանել։
Մարտի 21-ին Ռուսաստանը հայտնել էր, որ կրկին Կատարի միջնորդությամբ վեց երեխայի է փոխանցել Ուկրաինայի։ Դա արվել է Մոսկվայում Կատարի դեսպանատանը։
Ուկրաինայի իշխանությունների տվյալներով՝ ռուսական լայնամասշտաբ պատերազմի սկսվելուց հետո Ռուսաստան է տարվել ավելի քան 19 հազար երեխա։ Բացի այդ, ըստ ամերիկյան Conflict Observatory թիմի տվյալների, ևս մոտ 10-12 հազար ուկրաինացի երեխաներ տեղափոխվել են հանգստյան ճամբարներ և այլ հաստատություններ Ռուսաստանում ու բռնակցված Ղրիմում, որտեղ նրանք ենթարկվել են «գաղափարական մշակման»։
2023 թվականի մարտին ՄՔԴ-ն Ռուսաստանի նախագահ Վլադիմիր Պուտինին և երեխաների օմբուդսմեն Մարիա Լվովա-Բելովային կալանավորման օրդեր էր տվել՝ մեղադրելով նրանց Ուկրաինայից երեխաների դեպորտացիայի մեջ։
