22.06.2026 | 04:06
ԱԱ-2026. Ուրուգվայ – Կաբո Վերդե` 2:2. ՏԵՍԱՆՅՈՒԹ
Զելենսկին ու Ալիևը հեռախոսազրույց են ունեցել
Քաղաքականություն
22.05.2024 | 11:10
Ուկրաինայի նախագահ Վլադիմիր Զելենսկին նախօրեին զանգահարել է Ադրբեջանի նախագահ Իլհամ Ալիևին։ Այս մասին հայտնում է Ադրբեջանի նախագահի մամուլի ծառայությունը։
Ըստ հաղորդագրության՝ հեռախոսազրույցի ընթացքում կողմերը քննարկել են տարածաշրջանային անվտանգության և էներգետիկայի, առևտրի և այլ ոլորտներում երկկողմ համագործակցության հարցեր։ Զրույցի ընթացքում նշվել է, որ երկու երկրների համապատասխան կառույցներին հանձնարարականներ են տրվելու համատեղ համագործակցության ծրագրեր իրականացնելու վերաբերյալ։
Զելենկսին Ալիևի հետ զրույցի վերաբերյալ գրառում է արել X-ի իր էջում՝ նշելով, որ խոսել են տարածաշրջանային անվտանգության և երկկողմ համագործակցության մասին։
«Ուկրաինան և Ադրբեջանը խոստումնալից նախագծեր ունեն էներգետիկայի, առևտրի և այլ ոլորտներում։ Մենք մեր թիմերին հանձնարարել ենք ակտիվացնել ծրագրերի իրականացման ջանքերը և համակարգել ապագա համատեղ միջոցառումները»,-գրել է Ուկրաինայի նախագահը։
