23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Ուկրաինայում պատերազմին մասնակցելու համար պայմանական վաղաժամկետ ազատման դիմում է ներկայացրել ավելի քան 3 հազար դատապարտյալ
Քաղաքականություն
21.05.2024 | 20:36
Ուկրաինայում մայիսի 18-ից ուժի մեջ է մտել օրենքը, որը թույլ է տալիս որոշ կատեգորիաների դատապարտյալների վաղաժամկետ հեռանալ բանտից՝ պայմանագիր կնքելով Ուկրաինայի զինված ուժերի հետ։ Վերջին մի քանի օրվա ընթացքում ավելի քան 3 հազար բանտարկյալներ համապատասխան դիմումներ են ներկայացրել, հայտնել է արդարադատության փոխնախարար Ելենա Վիսոցկայան, փոխանցում է BBC-ի ռուսական ծառայությունը։
«Մենք դա կանխատեսել ենք մինչ այս օրենքի ընդունումը»,- նշել է նա։
Արդարադատության նախարար Դենիս Մալյուսկան այս ամսվա սկզբին հայտնել է, որ այս օրենքով հնարավոր կլինի մոբիլիզացնել մինչև 20 հազար դատապարտյալ։
«Բայց չի կարելի ասել, որ բոլոր 20 հազարը, որոնց մենք նշել ենք որպես պոտենցիալ, կմիանան»,- նշել է նրա տեղակալ Վիսոցկայան։
Ուկրաինայի օրենսդրությունը թույլ է տալիս դատապարտյալներին պայմանական վաղաժամկետ ազատվել պատժից՝ զինված ուժերի հետ պայմանագիր կնքելու պայմանով։ Միևնույն ժամանակ, ի տարբերություն ռուսական պրակտիկայի, որը ի հայտ եկավ դեռևս 2022 թվականին, այն թույլ չի տալիս ազատ արձակել ծանր հանցագործությունների համար դատապարտվածներին։
Ռուսաստանում, 2022 թվականի ամառ-աշնանից սկսած, ծանր հանցագործությունների, այդ թվում՝ սպանության համար դատապարտվածներն ուղարկվել են ռազմաճակատ։ 2023 թվականին մշակվել է «պայմանական ազատման» հատուկ ընթացակարգ, որը վերաբերում է բոլոր մեղադրանքներով դատապարտվածներին՝ բացառությամբ «ծայրահեղականության», «ահաբեկչության» և անչափահասների սեռական անձեռնմխելիության դեմ հանցագործությունների համար դատապարտվածների։
